రోజా తెలుసు కదా. అటు పొలిటికల్ ను ఇటు సినీ ఇండస్ట్రీని రెండింటినీ భలే బ్యాలెన్స్ చేస్తోంది. తనకు ఇండస్ట్రీలో కూడా బాగానే డిమాండ్ ఉంది. జబర్దస్త్ ప్రస్తుతం ఇంత సక్సెస్ ఫుల్ గా రన్ అవుతోందంటే దానికి ఒక విధంగా రోజా కూడా కారణమే. జబర్దస్త్ ప్రారంభం అయిన దగ్గర్నుంచి ఇప్పటి వరకు ఆమె కంటిన్యూగా జబర్దస్త్ జడ్జిగా వ్యవహరిస్తున్నారు.
తాజాగా విడుదలైన జబర్దస్త్ ప్రోమోలో రోజా హైపర్ ఆదిపై సీరియస్ అయ్యారు. హైపర్ ఆది తన స్కిట్ లో ప్రతి సారి ఎవరినో ఒకరిని తీసుకొస్తారు కదా.. ఈసారి ఏకంగా జడ్జి రోజానే తీసుకొచ్చారు. జబర్దస్త్ లేటెస్ట్ ప్రోమో తాజాగా విడుదలైంది. ప్రోమోలో రోజా.. హైపర్ ఆది స్కిట్ లో రాజా సినిమాలో సౌందర్య పాత్రలో నటించింది. తన ఇంట్లో హైపర్ ఆది, పరదేశి దొంగతనం చేయడానికి రావడంతో.. వాళ్లను రూమ్ లో బంధించి.. వాళ్లపై ఉన్న కసిని తీర్చుకుంది. నా ఇంట్లోనే దొంగతనానికి వస్తారా? మిమ్మల్ని మటన్ కొట్టే కత్తితో కసాకసా కొట్టేస్తా.. కొడవలితో గడ్డిని కోసినట్టు కోస్తా? రోకలిలో పచ్చడి చేసినట్టు చేయాలా? అంటూ వాళ్లకు వార్నింగ్ ఇచ్చేసింది.
అయితే.. స్కిట్ చివర్లో నేను.. ఇంత ఎత్తుకు ఎదగడానికి కారణం.. అని అంటుండగానే.. బ్యాక్ డ్రాప్ లో రాజా సినిమా క్లయిమాక్స్ లో వచ్చినట్టుగా బ్యాక్ గ్రౌండ్ మ్యూజిక్ వేస్తుంటే… హైపర్ ఆది బాధగా తనవైపు చూస్తుంటే.. రోజా మాత్రం సెంటర్ కెమెరా మొత్తం నన్నే క్లోజప్ లో ఛూపించడం వల్ల నేను ఈ పొజిషన్ లో ఉన్నా.. అంటూ పెద్ద పంచ్ వేసింది రోజా.
మొత్తానికి రోజా కూడా ఫుల్ టు కామెడీ చేయడానికి సిద్ధమైపోయిందన్నమాట. ఇంకెందుకు ఆలస్యం.. ముందైతే ఈ ప్రోమోను చూసేయండి. పూర్తి ఎపిసోడ్ కోసం వచ్చే వారందాకా వెయిట్ చేయండి.