‘సుడిగాడు’, ‘బ్రదర్ ఆఫ్ బొమ్మాళి’ సినిమాలతో ఇండస్ట్రీలో అడుగుపెట్టిన మోనాల్ గజ్జర్ కి పెద్దగా గుర్తింపు దక్కలేదు. కానీ ఎప్పుడైతే ఈ ముద్దుగుమ్మ బిగ్ బాస్ హౌస్ లో అడుగుపెట్టిందో ఆమె తలరాత ఒక్కసారిగా మారిపోయింది. సీజన్ ఫోర్ బిగ్ బాస్ హౌస్ కి టిఆర్పి రేటింగులు పెరగటానికి, షో పై ఆడియన్స్ కి ఇంట్రెస్ట్ కలిగించటానికి మోనాల్ గజ్జర్ ఒకరు అని చెప్పడంలో ఎటువంటి సందేహం లేదు.
అభిజిత్ అదేవిధంగా అఖిల్ తో క్లోజ్ గా ఉంటూ హౌస్ లో సెగలు పుట్టించే అడ్రస్ తో పాటుగా తన హాట్ హాట్ అందాలతో వీకెండ్ ఎపిసోడ్లో బాగా హడావిడి చేసింది మోనాల్ గజ్జర్. ప్రారంభంలో హౌస్లో ఏడుపులు ఏడ్చిన కానీ మెల్ల మెల్లగా రోజులు గడిచే కొద్దీ హౌస్లో మెచ్యూరిటీ లెవల్ పెంచుకుని, తనదైన శైలిలో గేమ్ ఆడుతూ హారిక నీ హౌస్ కెప్టెన్ చేయటంలో కీలకంగా రాణించింది. సరిగ్గా టాప్ ఫైవ్ కి వెళ్లక ముందు హౌస్ నుండి ఎలిమినేట్ అయిన మోనాల్ చాలామంది నిరాశపరిచింది.
ఇదిలా ఉంటే ప్రస్తుతం హైదరాబాదు లోనే ఉంటూ టెలివిజన్ రంగంలో డాన్స్ షోలో జడ్జిగా రాణిస్తూనే ఇండస్ట్రీలో టాప్ హీరో పక్కన స్టెప్పులు వేసే అవకాశం అందుకున్నట్లు వార్తలు అందుతున్నాయి. పూర్తి విషయంలోకి వెళ్తే టాలీవుడ్ యంగ్ హీరో బెల్లంకొండ సాయి శ్రీనివాస్ నటిస్తున్న లేటెస్ట్ మూవీ ”అల్లుడు అదుర్స్”. ఈ కమర్షియల్ అండ్ ఫ్యామిలీ ఎంటర్టైనర్ కి ‘కందిరీగ’ ఫేమ్ సంతోష్ శ్రీనివాస్ దర్శకత్వం వహిస్తున్నారు. అయితే ఈ సినిమాలో స్పెషల్ సాంగ్ కోసం మోనాల్ ని సినిమా యూనిట్ తీసుకున్నట్లు ఇండస్ట్రీలో వార్తలు వస్తున్నాయి. రాక్ స్టార్ దేవిశ్రీ ప్రసాద్ స్వరపరిచిన ఓ పెప్పీ సాంగ్ లో సాయి శ్రీనివాస్ తో కలిసి మోనాల్ కాలుకదపనుంది. ఈ సాంగ్ కి శేఖర్ మాస్టర్ కొరియోగ్రఫీ చేయనున్నట్లు వార్తలు అందుతున్నాయి. ఈ సినిమా సంక్రాంతికి విడుదల కానుందని సాంగ్ క్లిక్ అయితే మాత్రం మోనాల్ పంట పండినట్లే అని సినీ వర్గాలు అంటున్నాయి.