Priyanka arul : ప్రియాంక అరుళ్ ..నేచురల్ స్టార్ నాని నటించిన గ్యాంగ్ లీడర్ సినిమాతో టాలీవుడ్ కి పరిచయం అయింది. ఈ సినిమా యావరేజ్ అన్న టాక్ తెచ్చుకున్నప్పటికి ప్రియాంక అరుళ్ కి మాత్రం హీరోయిన్ గా మంచి పేరు వచ్చింది. చూడగానే చక్కగా అచ్చ తెలుగు అమ్మాయిలా కనిపించి అందరినీ ఆకట్టుకుంది. టాలీవుడ్ హీరోలతో పాటు, దర్శక, నిర్మాతల దృష్ఠిని బాగా ఆకట్టుకుంది. అందుకే వెంటనే యంగ్ హీరో శర్వానంద్ నటిస్తున్న శ్రీకారం అన్న సినిమాలో అవకాశం అందుకుంది.
ఈ సినిమా ఎప్పుడో ప్రేక్షకుల ముందుకు రావాల్సి ఉండగా కరోనా లాక్ డౌన్ కారణంగా పోస్ట్ పోయింది. ఇక ఈ సినిమా మార్చ్ 11 న మహా శివరాత్రి పండుగ సందర్భంగా గ్రాండ్ గా రిలీజ్ కాబోతోంది. చాలాకాలం తర్వాత శర్వానంద్ మళ్ళీ మంచి ఫ్యామిలీ ఎంటర్‌టైనర్ తో ప్రేక్షకుల ముందుకు రాబోతున్నాడు. రైతుల సమస్యలను ప్రధాన కథాంశంగా చూపించబోతున్నారు. విలేజ్ బ్యాక్ డ్రాప్ లో తెరకెక్కిన ఈ సినిమా మీద ప్రేక్షకుల్లో కూడా ఇప్పటికే మంచి అంచనాలు నెలకొన్నాయి.
Priyanka arul : ప్రియాంక అరుళ్ ని హీరోయిన్ గా ఎంచుకున్నట్టు తెలుస్తోంది.
కాగా ఇప్పటికే ఈ సినిమా నుంచి రిలీజైన సాంగ్స్ తో ప్రియాంక అరుళ్ ప్రేక్షకులను బాగా ఆకట్టుకుంది. భలేగుంది బాలా, హేయ్ అబ్బాయ్ సాంగ్స్ లో అటు మోడ్రన్ అమ్మాయిగా ఇటు విలేజ్ అమ్మాయిగా ప్రియాంక అభిమానులను బాగానే ఆకర్షించింది. దాంతో ఇప్పుడు టాలీవుడ్ లో ప్రియాంక కి వరసగా అవకాశాలు వస్తున్నాయని సమాచారం. ఈ క్రమంలో మాస్ మహారాజ రవితేజ నటించబోతున్న సినిమాలో ప్రియాంక ని హీరోయిన్ గా ఎంచుకున్నట్టు తెలుస్తోంది. త్రినాథ రావు నక్కిన ఈ సినిమాకి దర్శకత్వం వహిస్తున్నాడు. మరి నిజంగా ఈ సినిమాలో ప్రియాంక కి అవకాశం వస్తే మాత్రం ఇది గోల్డెన్ ఛాన్స్ అని చెప్పాలి.