Sleep: మన నిద్ర కూడా మన ఆరోగ్యాన్ని నిర్ణయిస్తుందని తెలిసిన విషయమే..! కంటినిండా నిద్ర పోతే ఎటువంటి అనారోగ్య సమస్యలు రావు..! కొంతమంది త్వరగా నిద్రలోకి జారుకుంటారు.. మరికొంతమంది గంటలసేపు యుద్ధం చేసిన నిద్రపట్టదు..! మార్చి 18న వరల్డ్ స్లీప్ డే..!! ఈ సందర్భంగా కంటినిండా నిద్ర పట్టడానికి సింపుల్ టిప్స్ మీ కోసం..!
ప్రతిరోజు నిద్రపోవటానికి ఒక నిర్ణీత సమయాన్ని నిర్దేశించుకోవాలి. ఆ సమయంలోనే నిద్రపోవటం అలవాటు చేసుకోవాలి. సాధ్యమైనంత త్వరగా నిద్రపోయి ఉదయం త్వరగా నిద్ర లెగవలి. ప్రతిరోజూ కనీసం ఆరు నుంచి ఎనిమిది గంటలు నిద్ర పోయేలా మీ ప్రణాళికను రూపొందించుకోవాలి. నిద్రకు రెండు గంటల ముందే భోజనం చేయాలి. బ్రౌన్ రైస్ చక్కటి నిద్ర కు హెల్ప్ చేస్తుంది. వీలైతే నైట్ డిన్నర్ లో బ్రౌన్ రైస్ ఉండేలా చూసుకోండి. నిద్రపోయే ముందు ఒక గ్లాసు గోరువెచ్చటి పాలు తాగితే త్వరగా నిద్ర పడుతుంది. కాసిన్ని గసగసాలు వేడి చేసి ఆ వాసనను పిల్చినా కూడా త్వరగా నిద్ర పడుతుంది.
మీ బెడ్ రూమ్ లో కి ఫోన్ తీసుకో వెళ్లకపోవడమే ఉత్తమం. నిద్రలేమి సమస్యతో బాధపడుతున్న వారికి ఒత్తిడి డిప్రెషన్ కూడా ఒక కారణం. వాటిని తగ్గించుకొనేందుకు ఎక్సర్సైజులు చేయాలి. మీ బెడ్ రూమ్ లో నిద్ర పోయే ముందు లైఫ్ ఆఫ్ చేస్తే.. మళ్ళీ ఉదయం నిద్ర లేచే వరకు లైట్ ఆన్ చేయకుండా చూసుకోండి. మీ బెడ్ రూమ్ లో లావెండర్ ఆయిల్ స్ప్రే చేస్తే ఆ సువాసనకు త్వరగా నిద్ర పడుతుంది. లేదంటే రెండు చుక్కలు లావెండర్ ఆయిల్ చేతి మీద వేసుకుని వాసన పీల్చినా కూడా గాఢ నిద్ర పడుతుంది.