మ‌న‌కోసం మ‌నం దేవుడిని ప్రార్థించ‌డం వేరు, మ‌రొక‌రు మ‌న శ్రేయ‌స్సును కాంక్షించ‌డం వేరు. స‌మంత బావుండాల‌ని స‌మంత త‌ర‌ఫున ఆమె త‌ల్లి ఎప్పుడూ ప్రార్థిస్తూనే ఉంటుంద‌ట. ఈ విష‌యాన్ని ఇన్‌స్టాగ్రామ్ ద్వారా చెప్పుకొచ్చింది అక్కినేనివారి పెద్ద కోడ‌లు స‌మంత. స‌మంత త‌న త‌ల్లి నిన్నెట్టె ప్ర‌భు గురించి ఇన్‌స్టాలో పోస్ట్ చేసింది. `మా అమ్మ ప్రార్థ‌న‌ల్లో ఏదో మేజిక్ ఉంటుంది. చిన్న‌త‌నంలో ఆమె నా కోసం ప్రే చేసిన‌ట్టే ఇప్పుడు కూడా చేయ‌మ‌ని అడుగుతుంటాను. త‌ల్లిని రెండో దైవం అంటారు. నేను ఆ విష‌యాన్ని బాగా న‌మ్ముతాను` అని పోస్ట్ చేసింది. దీంతో స‌మంత త‌ల్లికి, స‌మంత‌కు పెద్ద‌గా మాట‌ల్లేవ‌నీ, ఇద్ద‌రూ ఎప్పుడూ గొడ‌వ‌లు ప‌డుతూనే ఉంటార‌ని అనుకునేవారి నోళ్లు మూత‌ప‌డ్డ‌ట్ట‌యింది. అన్న‌ట్టు స‌మంత ఇన్ని సినిమాల్లో న‌టించిన‌ప్ప‌టికీ, స‌మంత త‌ల్లి నిన్నెట్టె ప్ర‌భుకు మాత్రం `ఏ మాయ చేసావె` సినిమా అంటే ఇష్ట‌మ‌ట. అందుకే అప్ప‌టి నుంచి కూడా స‌మంత ఇంట్లో నాగ‌చైత‌న్య, స‌మంత ఫొటోను ఫ్రేమ్ క‌ట్టి పెట్టుకున్నార‌ట. అప్పుడు నాగ‌చైత‌న్య అల్లుడ‌వుతాడ‌ని ఆమె క‌నీసం ఊహించుకోలేద‌ట.