RC16: మెగా పవర్ స్టార్ రామ్ చరణ్ స్పీడ్ పెంచారు. ఎందుకంటే ఆయన సినిమా విడుదలయ్యి దాదాపు రెండు సంవత్సరాలు కావస్తుంది. 2022 మార్చి నెలలో “RRR” రిలీజ్ అయ్యి అతిపెద్ద భారీ బ్లాక్ బస్టర్ కావడం తెలిసిందే. దేశంలోనే కాదు ప్రపంచవ్యాప్తంగా ఈ సినిమా అనేక రికార్డులు క్రియేట్ చేసింది. ప్రపంచ ప్రతిష్టాత్మక అవార్డు ఆస్కార్ కూడా గెలవడం జరిగింది. ఆ తర్వాత సౌత్ ఇండియా సెన్సేషనల్ డైరెక్టర్ శంకర్ దర్శకత్వంలో “గేమ్ చేంజర్” అనే సినిమా స్టార్ట్ చేయడం జరిగింది. ఈ సినిమాకి సంబంధించి షూటింగ్ ఏడాది నారనుండి జరుగుతుంది. ఇప్పటికీ కంప్లీట్ కాలేదు. మధ్యలో చాలా సార్లు షూటింగ్ ఆగిపోవడం జరిగింది.
“గేమ్ చేంజర్” పరిస్థితి ఇలా ఉంటే ఇప్పుడు బుచ్చిబాబు ప్రాజెక్ట్ చరణ్ సెట్స్ మీదకు తీసుకెళ్లడం జరిగింది. మొదటి సినిమా ఉప్పెనాతో మంచి విజయాన్ని అందుకున్న బుచ్చి బాబు రెండో సినిమా చరణ్ తో “RC16” అనే వర్కింగ్ టైటిల్ తో సినిమా షూటింగ్ జరుగుతూ ఉండటం గమనార్హం. అంతేకాదు ఈ సినిమాని పాన్ వరల్డ్ తరహాలో తీయబోతున్నారట. అథ్లెటిక్ నేపథ్యంలో గ్రామీణ వాతావరణం మాదిరిగా స్టోరీ ఉండనుందని ఇండస్ట్రీలో వార్తలు వైరల్ అవుతున్నాయి. ఉత్తరాంధ్ర యాసతో సంభాషణలు ఉండబోతున్నాయట. ఇలా ఉంటే ఈ సినిమాలో చరణ్ సరసన ఎవరు నటిస్తారు అన్న దాన్ని విషయంలో రకరకాల పేర్లు తెరమీదకి వచ్చాయి.
ఫైనల్ గా ఈ సినిమాలో అతిలోక సుందరి దివంగత శ్రీదేవి కూతురు జాన్వి కపూర్ కన్ఫామ్ అయినట్లు వార్తలు వస్తున్నాయి. ఎన్టీఆర్ హీరోగా కొరటాల శివ దర్శకత్వంలో “దేవర” అనే సినిమాలో హీరోయిన్ ఛాన్స్ అందుకుంది. ఇప్పుడు చరణ్ సినిమాలో మరో బంపర్ ఆఫర్ కొట్టేసింది. ఇదిలా ఉంటే అప్పట్లో మెగాస్టార్ చిరంజీవి శ్రీదేవి జోడి ఇండస్ట్రీలో తిరుగులేని హిట్ కాంబినేషన్ అని ఫేవరెట్ జోడి అనే పేరు ఉంది. వీరి కాంబినేషన్ లో వచ్చిన “జగదేకవీరుడు అతిలోకసుందరి” ఇండస్ట్రీ హిట్ అయింది. దీంతో ఇప్పుడు చిరంజీవి వారసుడు చరణ్ శ్రీదేవి వారసురాలు జాన్వి కపూర్ కలిసి నటిస్తుండటంతో.. చిరంజీవి హిట్ జోడీ సెంటిమెంట్ చరణ్ “RC16” కలిసొస్తుందా లేదా అన్నది ఆసక్తికరంగా మారింది.