Mallika Jagula: మల్లికా జాగుల.. ఈ పేరు పెద్దగా ఎవ్వరికీ తెలియకపోవచ్చు. సీరియల్ కిల్లర్ వంటి కొన్ని చిన్నాచితక చిత్రాలలో వ్యాంప్ క్యారెక్టర్లు పోషించింది. సినిమా కంటే కూడా సీరియల్స్ ద్వారానే పేరు మరియు డబ్బు సంపాదించింది ఈ ముద్దుగుమ్మ. ఒకానొక సమయంలో బుల్లితెరపై ఫుల్ బిజీగా ఉన్న ఈమె అనంతరం మాత్రం సడన్గా తెరపై కనిపించలేదు. ఇక ఈమధ్య రీ ఎంట్రీ ఇచ్చిన ఈమె తాజాగా ఓ ఇంటర్వ్యూలో పాల్గొని తన బాధలను వెల్లడించింది. ఈమె మాట్లాడుతూ తనకి ఎదురైనా కొన్ని ఇన్సిడెంట్స్ తెలియజేసింది. మల్లిక మాట్లాడుతూ..” ఇండస్ట్రీలో తెలుగు వారికి అవకాశాలు ఇవ్వరు. బెంగళూరు నుంచి తీసుకొస్తారు. మమ్మల్ని చిన్నచూపు చూస్తారు. ఛాన్సులు కూడా ఇవ్వకపోయేసరికి డిప్రెషన్ లోకి వెళ్లి పోతున్నాము. సరిగ్గా తిండి కూడా తినక పోయేసరికి నిల్చున్న చోటనే పడిపోయేదాన్ని.
ఆస్పత్రికి తీసుకెళ్తే బ్రతకడం కష్టమన్నారు. ఆ స్టేజి నుంచి మళ్లీ బ్రతికి వచ్చాను. 19 ఏళ్ల అనుభవం నాది. కరోనా తరువాత ఛాన్స్ తో తగ్గిపోయాయి. ఎక్కడి నుంచి మొదలు పెట్టాను మళ్లీ అక్కడికే వచ్చాను. మొన్నటి వరకు బతుకు తెరువు కోసం చీరలమ్మేదాన్ని. పెట్రోల్ బంకుల్లో పని చేయడానికి కూడా సిద్ధపడ్డాను. కానీ వాళ్లు చులకనగా మాట్లాడేవారు. పదేళ్లు క్రితం నా రెమ్యూనరేషన్ రోజుకు రూ.1300. అందులో మళ్లీ కటింగ్స్ ఉంటాయి. నాలుగేళ్లు అదే రెమ్యూనరేషన్ కి పని చేశాను. ఇండస్ట్రీలో ఉన్నవాళ్లు డబ్బులు పోగేసుకునేవారు కానీ అందరి పరిస్థితి అలాగే ఉండదు. సినిమా ఆఫర్లు వచ్చేయి. అలా ఓ అడిషన్కు వెళ్ళినప్పుడు కమిట్మెంట్ అడిగారు. నేను నో చెప్పి వచ్చేసాను. నెల రోజులపాటు టార్చర్ పెట్టారు. అందువల్లనే సీరియల్స్ ద్వారా నేనేంటో చూపించాను.
ఇక డబ్బుల కోసం కొన్ని సినిమాల్లో వాంప్ క్యారెక్టర్లు చేయాల్సి వచ్చింది. ఇక నేను ఒళ్ళు అమ్ముకోలేదు. ఒళ్ళు చూపించుకున్న అంతే. గతంలో నేను ప్రేమించిన వ్యక్తి చనిపోవడంతో ఆయనను మరిచిపోయేందుకు మద్యం తాగడం మొదలుపెట్టా. అలా మద్యపానం అలవాటయింది. రాత్రి ఓ పెగ్గేసి పడుకునేదాన్ని. ఇక నా జీవితంలో ఎవరికీ చోటు లేదు. అప్పుడే నేను అనుకున్న నేను ఇంకెవరిని పెళ్లి చేసుకోను అని ” అంటూ చెప్పుకొచ్చింది మల్లిక. ప్రస్తుతం ఈమె బాధను విన్న పలువురు..” వారికి బాగా అణిగిమనిగి ఉంటేనే సినిమాస్లోకి మరియు సీరియల్స్ లోకి తీసుకుంటారు. గతంలో ఒక హీరోయిన్ ని సెలెక్ట్ చేయాలంటే వారి దగ్గర ఉండే టాలెంట్ ని చూసేవారు.
కానీ ప్రస్తుత కాలంలో వారు అడిగే కమిట్మెంట్స్ కి ఓకే చెబితేనే తీసుకుంటున్నారు. ఇక హీరోయిన్ అవ్వాలని కలలు కనేవారు వాటికి ఓకే చెబుతున్నారు కూడా. కమిట్మెంట్లు ఇవ్వడం అనంతరం స్టార్ హీరోయిన్స్ అవడం చాలా కామన్ అయిపోయాయి. అలాంటి జనరేషన్లో కూడా మీరు కమిట్మెంట్ ఇవ్వకుండా సీరియల్ ద్వారా మీరేంటో ప్రూవ్ చేసుకున్నారు. మీలాంటి వారికి ప్రేక్షకులు ఎప్పుడు సపోర్ట్ చేస్తారు. మీరు చీరలు అమ్ముకుని బ్రతకడం తప్పు కాదు. ఆ కమిట్మెంట్ అడిగిన వాడిని కొట్టకపోవడమే తప్పు. అలాంటివారు ఉన్నన్ని రోజులు మీలాంటివారు ఇండస్ట్రీలో రాణించలేరు. ఏదేమైనా మీకు ఇప్పుడు మళ్లీ అవకాశాలు వచ్చి మీ కెరీర్ స్థిరపడాలని కోరుకుంటున్నాం ” అంటూ కామెంట్స్ చేస్తున్నారు ప్రేక్షకులు.