Krishnamma Kalipindi Iddarini ఆగస్టు 17 ఎపిసోడ్ 87: నువ్వు ఎంత బాధ పడుతున్నావో ఎంత మానసిక క్షోభ అనుభవిస్తున్నావో అర్థం చేసుకోగలను రా, భవిష్యత్తు గురించి భయమేస్తుంది అని పెద్ద మాటలు మాట్లాడుతున్నావు ఏమైందిరా, అఖిలతో పెళ్లి నీకు ఇష్టం లేదా, మనసు చంపుకొని పెళ్లి కి ఒప్పుకున్నావా, అఖిలతో సంతోషంగా లేవా, నాతో చెప్పుకోలేనివి ఏమైనా కష్టాలు ఉన్నాయా నీ ఈశ్వర్ అడుగుతాడు. అలాంటిదేమీ లేదు అన్నయ్య అప్పుడే చెప్పాను కదా అఖిలతో ఇష్టపడే పెళ్లి చేసుకున్నానని అని అంటాడు ఆదిత్య. ఇష్టపడి పెళ్లి చేసుకున్నప్పుడు భవిష్యత్తు గురించి ఎందుకు అన్నావు రా అని ఈశ్వర్ అడుగుతాడు.
భవిష్యత్తు కాదు అన్నయ్య బిజినెస్, బిజినెస్ గురించి అన్నాను అని ఆదిత్య అంటాడు.నేను సంతోషంగా ఉండాలని నువ్వు కన్నీరు దిగమింగుకుంటున్నావు కదరా ఈ అన్నయ్య మీద ఉన్న ప్రేమకి నాకోసం నువ్వు చేసిన త్యాగానికి నీకు రెండు చేతులెత్తి దండం పెట్టాలని ఉంది రా అని ఈశ్వర్ తన మనసులో అనుకుంటాడు. దీనికి ఏంటన్నయ్య దేని గురించి ఆలోచిస్తున్నావ్ అని ఆదిత్య అడుగుతాడు. నువ్వు ఇలా బాధపడుతుంటే నాకు చాలా బాధగా ఉంది రా అని ఆదిత్యతో అంటాడు.
నీ ప్రాబ్లం నీ సాల్వ్ చేయడానికి నేను ఏమైనా చేయగలనా అని అడుగుతాడు ఈశ్వర్. నువ్వు ఎప్పుడు హ్యాపీగా ఉండాలి రా ప్రశాంతంగా ఉండాలి నీ నోటి నుంచి ఇలా భయం అనే మాట రాకూడదు అందుకే అన్నయ్యను ఏం చేయమంటావు చెప్పురా నువ్వు సంతోషంగా ఉండడం కోసం నేను ఏమైనా చేస్తాను అంతే తప్ప నీలో ఏదైనా కష్టం దాచుకొని నీలో నువ్వు బాధపడొద్దు చెప్పురా నీ మనసులో ఏదైనా బాధ ఉంటే ఈ అన్నయ్యతో చెప్పురా నేను చూసుకుంటాను అని ఈశ్వర్ అడుగుతాడు. అన్నయ్య నాకు ఏదైనా కష్టం వస్తే నీకు కాకపోతే ఇంకెవరితో చెప్పుకుంటాను నేను చాలా హాయిగా ఉన్నాను నా గురించి నువ్వు టెన్షన్ పడకు అన్నయ్య అని ఆదిత్య అంటాడు.
నేను ఎంత అడిగినా నేను బాధపడతానని చెప్పడం లేదు చాలా బాధగా ఉంది రా అని ఈశ్వర్ తన మనసులో అనుకుంటాడు. నీకు ఏ బాధ వచ్చినా నాకు చెప్పురా అని అక్కడి నుండి వెళ్ళిపోతాడు ఈశ్వర్. ఈ తమ్ముడు అంటే నీకు ఎంత ప్రేమ నాకు తెలుసు అన్నయ్య అమృతను దూరం చేసుకుని నేను బాధపడుతున్నాను అని నీకు తెలిస్తే నువ్వు తట్టుకోలేవు నువ్వు వదినతో జీవితాంతం హ్యాపీగా ఉండాలి అన్నయ్య అందుకోసం నేను ఎంత పెద్ద బాధనైనా అనుభవిస్తాను అని ఆదిత్య అనుకుంటాడు. కట్ చేస్తే, నీ మీద నాకు చాలా నమ్మకం ఉంది గౌరీ ఆ నమ్మకాన్ని నువ్వు ఆకాశమంత చేసావ్, అవును మీ పెళ్లిల్ల విషయంలో మీ అమ్మ పెట్టిన కండిషన్ గురించి నువ్వు ఎక్కడ ఈశ్వర్ తో చెప్తావేమో అని చాలా భయపడిపోయాను కానీ నువ్వు నా మాట గౌరవించి నా మీద గౌరవంతో ఈశ్వర్ కి చెప్పలేదు, ఆ నిజం నీ శోభనానికి ఆటంకం కాకుండా మీరు సంతోషంగా కొత్త జీవితం ప్రారంభించినందుకు నేను పడిన కష్టమంతా పోయి ఈరోజు మీ ఇద్దరి అన్యోన్యత చూసి నేను చాలా ప్రశాంతంగా ఉన్నాను అని సునందా అంటుంది.
నేను ఆయనకి చెప్పకుండా దాచిన నిజాలు, నా జీవితానికి శాపంగా మారాయి అత్తయ్య అని గౌరీ తన మనసులో అనుకుంటుంది. ఏంటమ్మా అలా ఉన్నావ్ ఏం ఆలోచిస్తున్నావ్ అని సునంద అడుగుతుంది. ఏం లేదు అత్తయ్య ఏమీ లేదు అని గౌరీ చెప్తుంది. మీరు ఆరాటపడుతున్నట్టుగా మా మధ్య ఇలాంటి బంధం బలపడదు అత్తయ్య ఆయన మనసులో నాకు భార్య స్థానం లేదని చెప్పారు ఈ విషయం మీకు చెప్పాలని ఉంది కానీ మీరు బాధపడతారని గుండెల్లో మోస్తున్నాను అని గౌరీ తన మనసులో బాధపడుతుంది.
గౌరీ ఒక మంచి కోసం చిన్న చిన్న నిజాలు దాచిపెట్టడంలో తప్పులేదు అని సునంద అంటుంది. ఇంతలో భవాని అక్కడికి వస్తుంది వాళ్ళిద్దరూ మాట్లాడుకునేది చూస్తుంది. వీళ్ళిద్దరే ప్రేమగా మాట్లాడుకుంటున్నారు నా కూతురు లేదేంటి కొంపతీసి వీళ్లిద్దరూ ఒక పార్టీ అయ్యి నా కూతుర్ని పక్కకి తోసేసారా ఏంటి అని లోపలికి వస్తుంది భవాని. అఖిల ఎక్కడమ్మా అని భవాని అడుగుతుంది. నాన్న రాలేదా అమ్మ అని గౌరీ అడుగుతుంది. గౌరీని పట్టించుకోకుండా భవాని మళ్లీ మళ్లీ అఖిల గురించి అడుగుతుంది. ఏవండీ మీ పద్ధతి నాకేం నచ్చలేదు, మీరు గౌరీని పట్టించుకోవడం లేదు అంటుంది సునంద. నా ఇద్దరు కూతుర్లు నాకు రెండు కళ్ళు, అందుకే పిల్లల కాపురాలు చల్లగా ఉండాలి వాళ్లు బాగుండాలి అని ఆచారం ప్రకారం చలివిడి చేసి తీసుకొచ్చాను అని భవాని అంటుంది. గౌరిని పట్టించుకోలేదన్న కోపంలో అన్నాను మీరు ఏమనుకోకండి అని సునంద అంటుంది. గౌరీ భవానిని అఖిల దగ్గరికి తీసుకెళ్తుంది.
ఇంకోసారి మా అత్తయ్య గారి ముందట నన్ను నిర్లక్ష్యం చేసి మాట్లాడకు అని గౌరీ చెప్తుంది. దానివల్ల మన కుటుంబ పరువును మనమే బయటపెట్టిన వాళ్ళమవుతాము. ఇంకోసారి అలా చేయకు అమ్మ అని గౌరీ చెప్తుంది. సరే నేను అఖిల దగ్గరికి వెళ్తానని భవాని వెళుతుంది.నన్ను చూడగానే నీ మొహం చిచ్చుబుడ్డి లాగా వెలిగిపోతోంది అనుకున్నాను, ఏమైందమ్మాడు నువ్వు కలలు కన్నా ఇంటికి కోడలు పోయావు కానీ ఆ సంతోషం నీ మొహం లో ఆవగింజంతైన కనిపించడం లేదు ఏంటి, కంగారు నేను భరించలేకపోతున్నాను ఏమైందో చెప్పు అంటుంది భవాని.నేను ఇంటికి కోడలు మాత్రమే అయ్యాను కానీ నేను చెప్పినట్టు మాకు శోభనం జరగలేదమ్మా అని అఖిల ఏడుస్తూ చెప్తుంది.ఆయన నాతో ప్రేమగా ఉండడానికి కొంచెం టైం అడిగారమ్మా. ఇంత చిన్న విషయానికి ఎవరైనా ఏడుస్తారా ఇప్పుడు నువ్వు చేయాల్సింది మీ ఆయన్ని ఆకట్టుకునేలా నీ చూపులతో నీ మాటలతో మాయ చేయాలి నేను చెప్పినట్టు చెయ్ మీ ఆయన నీ వెనకాల కుక్కపిల్లలా తిరుగుతాడు అని భవాని అంటుంది