Monkey man OTT: ఇటీవల హనుమాన్ పై రూపొందిన సినిమా హనుమాన్ మూవీ ఎంతటి విజయవంతం అయిందో మనందరికీ తెలిసిందే. ఈ ఒక్క సినిమాతో హీరోగా తేజ సజ్జ మరియు దర్శకుడిగా ప్రశాంత్ వర్మ మంచి ఫేమస్ అయిపోయారు. అతి తక్కువ బడ్జెట్ తో రూపొందిన ఈ మూవీ దాదాపు 300 కోట్లకు పైగా కలెక్షన్స్ను రాబట్టి భారీ రికార్డును సృష్టించింది. 150 థియేటర్లలో 50 రోజులు పూర్తి చేసుకుంది.
ఇక ప్రస్తుతం హనుమంతుడి పాత్రకు సంబంధించిన కంటెంట్లతో సూపర్ స్టార్ మహేష్ బాబు మరియు రాజమౌళి, మెగాస్టార్ చిరంజీవి వంటి వారి సినిమాలు వస్తున్న సంగతి తెలిసిందే. ఇక వీటి లాగా హనుమంతుడిని ఉదాహరణగా తీసుకుని హాలీవుడ్ నుంచి వస్తున్న మరొక చిత్రం మంకీ మ్యాన్. స్లమ్ డాగ్ మిలీనియర్ సినిమా హీరో దేవ్ పటేల్ నటిస్తున్న ఈ మూవీ ని ఆయనే తెరకెక్కిస్తున్నారు. ఇక ఈ మూవీ యొక్క ట్రైలర్ కు ఇప్పటికే మంచి రెస్పాన్స్ దక్కింది.
ఇక తాజాగా మంకీ మ్యాన్ సినిమాను SXSW ఫిలిం ఫెస్టివల్ లో ప్రదర్శించారు. మార్చ్ 8 నుంచి మార్చి 16వ తేదీ వరకు ఈ SXSW ఫిలిం ఫెస్టివల్ జరగనుంది. ఈ వేడుకలో మంకీ మ్యాన్ సినిమాను తాజా స్ట్రీమింగ్ చేశారు. మంకీ మాన్ మూవీ హాలీవుడ్ ప్రముఖులను విపరీతంగా ఆకట్టుకుంది. ఇక ఈ మూవీ ని చూసిన వారంతా ఎనలేని ప్రశంసలను కురిపిస్తున్నారు. అదేవిధంగా ఈ మూవీకి వచ్చిన స్పందన చూసి హీరో దేవ్ పటేల్ స్టేజ్ పైనే ఎమోషనల్ అయ్యారు. ” హనుమంతుడి భక్తి, విధేయత, శౌర్యం, బలం, వినయం, క్రమశిక్షణకు నిలిచే దేవుడు హనుమంతుడు.
ఈ సినిమాలో నేను పోషించిన పాత్ర హనుమాన్ నుంచే ప్రేరణ పొంది రూపొందించాను. రామాయణం, మహాభారతం నుంచి ప్రేరణ పొందిన సినిమాలు ఇండియాలో చాలా ఉన్నాయి. హాలీవుడ్ కి మాత్రం ఇదే తొలి సినిమా. ఈ సినిమాతో భగవంతుడు హనుమాన్ శక్తిని ప్రపంచానికి చాటి చెప్పాలని అనుకుంటున్నాను ” అంటూ ఎమోషనల్ కామెంట్స్ చేశాడు దేవ్. ప్రస్తుతం ఈయన వ్యాఖ్యలు సోషల్ మీడియాలో వైరల్ అవుతున్నాయి. ఇక ఏప్రిల్ 5న మంకీ మాన్ సినిమాను యూనివర్సిటీ పిక్చర్స్ ద్వారా అమెరికాలో విడుదల చేయనున్నారు. అదేవిధంగా నెట్ఫ్లిక్స్ లో కూడా మంకీ మ్యాన్ రిలీజ్ కానున్నట్లు తెలుస్తుంది.