OTT platforms: సాధారణంగా ప్రస్తుత కాలంలో ఉన్న ఓటీటీ ప్లాట్ఫారం తాము ఇచ్చే కంటెంట్తో ప్రతి ఒక్క ప్రేక్షకుడిని మెప్పిస్తున్నారు. వీటి ద్వారా కొందరు ప్లస్ అవుతుంటే మరికొందరు మాత్రం మైనస్ అవుతున్నారు. థియేటర్లో ఎంత మీరా కలెక్షన్స్ రాబట్టినప్పటికీ ఓటీటీలో మంచి రెస్పాన్స్ ని దక్కించుకోవాలని చూస్తున్నారు స్టార్ డైరెక్టర్స్ మరియు హీరోలు కూడా.
అదే విధంగా చిన్న హీరో మరియు చిన్న డైరెక్టర్లకి ఓటిటి ఫ్లాట్ ఫారంస్ ద్వారా పెద్ద ఎత్తున న్యాయం జరుగుతుంది. తాము రూపొందించిన సినిమాలను ఓటీటీలో రిలీజ్ చేస్తూ కొందరు భారీగా పాపులర్ అవుతున్నారు. సాధారణంగా మన తెలుగు ఇండస్ట్రీలో థియేటర్లో ఓ సినిమా విడుదల చేసి సక్సెస్ అందుకోవాలంటే మరో స్టార్ హీరో తో ఆ సినిమాని రూపొందించాలి. కానీ స్టార్ హీరోల‌కి రెమినరేషన్ ఇచ్చే సత్తా లేని డైరెక్టర్లు చిన్న హీరోలతో ఆ సినిమాని రూపొందిస్తూ ఉంటారు.
ఇక అలాంటివారు థియేటర్లో తమ సినిమాని రిలీజ్ చేసినప్పటికీ ఎటువంటి ఫలితాలు ఉండడం లేదు. అందువల్లే కొన్ని ఫ్లాట్ ఫారమ్స్ ద్వారా తమ సినిమాను ప్రమోట్ చేస్తూ మంచి రెస్పాన్స్ ని దక్కించుకుంటున్నారు. ఇక తాజాగా అందుతున్న సమాచారం ప్రకారం భారత్ వ్యాప్తంగా అసభ్యకరమైన కంటెంట్ ప్రసారం చేస్తున్న ఓటీటీలపై కేంద్ర ప్రభుత్వం తీవ్ర చర్యలు చేపట్టింది. ఈ మేరకు మొత్తం 18 ఓటీటీ ఫ్లాట్ ఫారంస్ ను బ్లాక్ చేసింది.
ఈ నేపథ్యంలో దేశవ్యాప్తంగా 19 వెబ్సైట్ లు, 10 యాప్లు, 57 సోషల్ మీడియా హ్యాండిల్స్ ను కేంద్ర ప్రభుత్వం బ్లాక్ చేసినట్లు తెలుస్తుంది. అసభ్య కంటెంట్ ప్రమోట్ చేస్తున్న 12 ఫేస్బుక్ అకౌంట్స్.. అదే విధంగా 17 ఇంస్టాగ్రామ్ అకౌంట్స్ తో పాటు 16 ఎక్స్ ట్విట్టర్ అకౌంట్స్.. 12 యూట్యూబ్ అకౌంట్స్ ని కేంద్ర ప్రభుత్వం బ్లాక్ చేసింది. ఇక ఈ విషయాన్ని స్వయంగా కేంద్ర ప్రభుత్వమే ఓ ట్వీట్ ద్వారా వెల్లడించింది.