బిగ్ బాస్ హౌస్ లో వాతావరణం గతానికి భిన్నంగా ఉంది. సీజన్ ఫోర్ ఇంటి సభ్యులు కేవలం గేమ్ అన్నట్టు ఆడటం మాత్రమే తప్ప మిగతా విషయాలలో జనాలకు తలపోటు గా మారినట్లు టాక్ వస్తోంది. ముఖ్యంగా భాష మాట్లాడే విషయంలో బిగ్ బాస్ అదేవిధంగా నాగార్జున ఇంటి సభ్యులు తెలుగు లో మాట్లాడాలి అని చెబుతున్నా గాని చాలా మంది నామినేషన్ ప్రక్రియలో ఇటీవల ఇంగ్లీష్ భాష మాట్లాడుతూ వచ్చారు.
దీంతో జనాలకు అసలు వాళ్ళు ఏం మాట్లాడుతున్నారో అర్థం కాని పరిస్థితి నెలకొనడం మాత్రమే కాక ఎవరికైనా కోపం వస్తే ఇంటి సభ్యులు అంతా ఎవరికి ఇష్టం వచ్చినట్లు వాళ్ళు బూతులు మాట్లాడటం తో షో పై ఉన్న ఇంట్రెస్ట్ పోయేలా చేస్తోంది. దీంతో బయట జనాలు తెలుగు మాట్లాడక పోయినా పర్లేదు గాని బూతులు మాట్లాడకుండా ఇంటి సభ్యులను బిగ్ బాస్ కంట్రోల్ చేయాలని ఫిర్యాదు చేస్తున్నారు.
అసలు రియాల్టీ షో లో ఎవరైనా అలాంటి మాటలు మాట్లాడతారా..? అంటూ ఇంటి సభ్యుల పై మండి పడుతున్నారు. ముఖ్యంగా సోహెల్ అదేవిధంగా అఖిల్ పై అభిజిత్ 11వ వారం మాట్లాడిన తీరుకు జనాలు గట్టిగా రియాక్ట్ అవుతున్నారు. అదే విధంగా హారిక ఆడపిల్ల అయ్యుండి కూడా పద్ధతిగా మాట్లాడటం లేదని మండిపడుతున్నారు. అసలు ఇప్పటికే షో లో పెద్దగా ఎంటర్టైన్మెంట్ లేదు ఇలాంటి సమయములో హౌస్ మేట్స్ ఇంగ్లీష్ లో మాట్లాడుతూ బూతులు మాట్లాడుకోవడం తో ఆడియన్స్ సీరియస్ అవుతున్నారు. బిగ్ బాస్ ఈసారి ఇంటి సభ్యులకు పెద్దగా శిక్షలు విధించడం లేదని లేకపోతే అందరూ సెట్ అయ్యే వాళ్లు అంటూ సోషల్ మీడియాలో రియాక్ట్ అవుతున్నారు.