Afzal Ganj : హైదరాబాద్ నగరంలో అఫ్జల్ గంజ్ లో భారీ అగ్నిప్రమాదం చోటు చేసుకుంది. టైర్ల గోదాంలో అగ్ని ప్రమాదం చోటు చేసుకుంది. ఈ టైర్ల గోడౌన్ లో కొన్ని వందల టైర్లు ఉండటంతో వెంటనే మంటలు వ్యాపించాయి. దీంతో భారీగా పొగలు ఎగిసిపడడంతో పక్కనే పెట్రోల్ బంకు ఉండటంతో స్థానికులు అగ్నిమాపక సిబ్బందికి సమాచారం తెలియజేయడం జరిగింది.
భారీగా మంటలు ఎగిసి పడుతూ ఉండటం తో దాదాపు 15 ఫైర్ ఇంజన్ వాహనాలు మంటలను అదుపు చేయడానికి రంగంలోకి దిగాయి. టైర్లు ఎక్కువగా ఉండటంతో ఫైర్ ఫైటర్స్ మంటలను ఆర్పడానికి అనేక ఇబ్బందులు పడుతున్నారు. ఈ భారీ అగ్ని ప్రమాదం కారణంగా రోడ్డు మొత్తం ట్రాఫిక్ జామ్ అవటంతో పాటు .. గోడౌన్ చుట్టుప్రక్కల స్థానిక ప్రజలను సురక్షిత ప్రాంతాలకు తరలిస్తూ అగ్నిమాపక సిబ్బంది మంటలను ఆర్పుతున్నరు. ఈ పరిణామంతో హైదరాబాద్ నగరంలో చాదర్‌ఘాట్-అఫ్జల్ గంజ్ మధ్య భారీగా ట్రాఫిక్ జామ్ అయింది.
