Krishna murthy: సినిమాలు అంతా ఒక ఎత్తు అయితే సీరియల్స్ అంతా మరో ఎత్తు లాగా ప్రస్తుతం కొనసాగుతున్నాయి. దేనికి అదే పోటీ అన్నట్లు సీరియల్స్ కి సీరియల్స్ పోటా పోటీ పడుతూ తమ సత్తా నిరూపించుకుంటున్నారు. కానీ పాపులారిటీ విషయంలో మాత్రం స్టార్ హీరో హీరోయిన్లతో తలపడుతున్నారు. సినిమాలలో సైడ్ క్యారెక్టర్స్ నటిస్తే పెద్దగా ఎవరు గుర్తించరు.
అదే సీరియల్స్ లో సైడ్ క్యారెక్టర్స్ లో నటించినప్పటికీ వారికి భారీ పాపులారిటీ దక్కుతుంది. అలా అనేక సీరియల్స్ లో నటించి మంచి గుర్తింపు సంపాదించుకున్న వారే కృష్ణమూర్తి కూడా. ఇతర సీరియల్స్ విషయం పక్కనపెడితే బ్రహ్మమూడి లో ఈయన పాత్రకి ఎంతోమంది ఫ్యాన్స్ ఉన్నారు. అంతకుముందు పాపులారిటీ దక్కినప్పటికీ కొద్దో గొప్పో ఉండేది.
కానీ బ్రహ్మముడిలో కృష్ణమూర్తి తన నటనతో మెప్పించి ప్రతి ఒక్కరిని ఫిదా చేశారు. ఇక తాజాగా ఓ ఇంటర్వ్యూలో పాల్గొన్న ఈయన తన సీరియల్ అరంగేత్రం గురించి ఆసక్తికర వ్యాఖ్యలు చేశారు. అక్కడున్న యాంకర్ మీకు బ్రహ్మముడి సీరియల్ లో ఆ క్యారెక్టర్ ఎలా వచ్చింది అని ప్రశ్నించగా.. దానికి కృష్ణమూర్తి సమాధానం ఇస్తూ…” అంతకుముందు నేను వైదేహి పరినయం అని సీరియల్ చేశా. దాంట్లో కూడా చాలా మంచి పాత్ర. ఆ సీరియల్లో నా నటన చూసి నాకు బ్రహ్మముడి సీరియల్ లో ఈ అవకాశం ఇచ్చారు.
నా సీరియల్ అరంగేట్రం అనుకోకుండా జరిగింది. మా అమ్మాయికి హైదరాబాద్లో సీట్ రావడంతో నేను హైదరాబాద్ కి వచ్చా. అలా మా అమ్మాయి కోసం హైదరాబాద్ వచ్చి సీరియల్స్ లో నటించేందుకు ప్రయత్నాలు చేశా. నాకు ఈజీ గానే అవకాశాలు వచ్చాయి. నాకు నటన బ్యాక్గ్రౌండ్ ఉండడంతో నాకు అవకాశాలు దక్కాయి. అలా నా కూతురు వల్లే నేను సీరియల్ లోకి వచ్చాను ” అంటూ వెల్లడించాడు కృష్ణమూర్తి. ప్రస్తుతం ఈయన వ్యాఖ్యలు సోషల్ మీడియాలో వైరల్ అవుతున్నాయి.