తెలుగు టెలివిజన్ ప్రేక్షకులను అలరిస్తున్న బిగ్ బాస్ సీజన్ 4 తుది దశకు చేరుకుంది. ఈ సీజన్ గమనిస్తే ఆశించిన స్థాయిలో టిఆర్పి రేటింగ్ రావటం లేదన్నా టాక్ బయట బలం గా వినబడుతుంది. వీకెండ్ మినహా మామూలు రోజులలో ఆశించిన స్థాయిలో రేటింగ్ రాకపోవటంతో అనేక ప్రయత్నాలు చేస్తుండగానే ముగింపు దశకు వచ్చింది.
ప్రస్తుతం 11వ వారం కొనసాగుతున్న తరుణంలో ఇంకా నాలుగు వారాల ఆట మాత్రమే మిగిలి ఉంది. ఈ క్రమంలో ఈ సీజన్ ఫైనల్ ఎపిసోడ్ ఎప్పుడు ఉంటుందంటూ అందరూ ఆసక్తిగా గమనిస్తున్నారు. ఇటువంటి నేపథ్యంలో స్టార్ మా వర్గాల నుంచి అందుతున్న సమాచారం ప్రకారం వచ్చే నెల 20వ తారీఖు అనగా ఆదివారం నాడు ఫైనల్ ఎపిసోడ్ టెలికాస్ట్ అయ్యే అవకాశం ఉందని టాక్ నడుస్తోంది.
అయితే ఈసారి ఫైనల్ ఎపిసోడ్ నాడు ఎవరు అతిధి గా వస్తారు అనేదాని విషయంలో కూడా బయట గట్టిగా చర్చలు జరుగుతున్నాయి. ఈసారి మాత్రం ఒక కుర్ర స్టార్ హీరో ని తీసుకొచ్చే ఆలోచనలో షో నిర్వాహకులు ఉన్నట్లు వార్తలు వస్తున్నాయి. బిగ్ బాస్ టైటిల్ విన్నర్ విషయంలో మాత్రం అభిజిత్, సోహెల్, అఖిల్ మధ్య పోటాపోటీ నువ్వా నేనా అన్నట్టు గా ఉన్నట్లు తెలుస్తోంది. చాలామంది అభిజిత్ అంటుండగా ఇటీవల సోహెల్ గేమ్ చాలా మందిని ఆకర్షించే విధంగా ఉండటంతో.. సోహెల్ గెలిచే అవకాశాలు ఎక్కువగా ఉన్నట్లు, ఎలాంటి స్ట్రాటజీ లేకుండా ఫెయిర్ గేమ్ ఆడుతున్నారని బయట జనాలు అంటున్నారు. ఖచ్చితంగా టైటిల్ విన్నర్ అభిజిత్ సోహెల్ మధ్య నువ్వా నేనా అన్నట్టు గా పోటీ ఉంటుందని విశ్లేషిస్తున్నారు. ఇదిలా ఉంటే ఈ సారి ఫైనల్ ఎపిసోడ్ కి బిగ్ బాస్ మూడు సీజన్ల విన్నర్ లను తీసుకొచ్చి నాలుగో సీజన్ విన్నర్ కి ట్రోఫీ అందించే కార్యక్రమం షో నిర్వాహకులు ప్లాన్ చేస్తున్నట్లు సోషల్ మీడియాలో వార్తలు వైరల్ అవుతున్నాయి. అయితే స్టార్ హీరో లేకపోతే గత సీజన్లో బిగ్ బాస్ టైటిల్ గెలిచిన ముగ్గురు విన్నర్ లతో ట్రోఫీ అందించే కార్యక్రమాన్ని ప్లాన్ చేస్తున్నట్లు వార్తలు వస్తున్నాయి.