దాదాపు 100 రోజులకు పైగానే టెలివిజన్ ప్రేక్షకులను అలరించింది బిగ్ బాస్ రియాల్టీ షో. వైల్డ్ కార్డు లతో కలిపి 19మంది హౌస్ లో ఎంటర్ అవ్వగా చివరాకరికి విజేతగా అభిజిత్ టైటిల్ గెలుచుకున్నాడు. 11 సార్లు ఎలిమినేషన్ కి నామినేట్ అయిన అభిజిత్.. ఒక్కసారి కూడా హౌస్ లో కెప్టెన్ అవ్వకపోయినా గాని టైటిల్ గెలవడంతో సోషల్ మీడియాలో అభిజిత్ పేరు మారుమ్రోగుతోంది.
ఇదిలా ఉండగా ఈ సీజన్ లో రీయూనియన్ ఎపిసోడ్ అంటూ బిగ్ బాస్ షో నిర్వాహకులు చేసిన ప్రయత్నానికి రిజల్ట్ ముందుగానే హౌస్ లో ఉన్న సోహెల్ కి తెలిసి పోయినట్లు అయింది. మేటర్ లోకి వెళ్తే సోహెల్ పాతిక లక్షలు టాప్ ఫైవ్ లో ఉండి తీసుకొని బయటకు వచ్చే దానికి కారణం మెహబూబ్. ముందుగానే రీయూనియన్ ఎపిసోడ్లో మెహబూబ్.. సోహెల్ కి బయట సిచువేషన్ చెప్పినట్లు క్లియర్ కట్ వీడియో ఒకటి రిలీజ్ అయింది.
టాప్ ఫైవ్ లో సోహైల్ ఉన్న సమయంలో పలకరించడానికి హౌస్ లో అడుగుపెట్టిన మెహబూబ్ సోహెల్ కి ఓటింగ్ పరంగా మూడవ ప్లేస్ లో ఉన్నట్లు, కాబట్టి గ్రాండ్ ఫినాలే ఎపిసోడ్ టైములో డబ్బులు తీసుకుని సైడ్ అయిపోవాలని ముందే చెప్పేయడంతో.. సోహెల్ సేవ్ అవడం జరిగిందని ఈ వీడియో చూసిన చాలామంది చెప్పుకొస్తున్నారు.