బిగ్ బాస్ సీజన్ ఫోర్ లో టైటిల్ విన్నర్ అభిజిత్ గెలిచినా గాని బయట మాత్రం బాగా క్రేజ్ దక్కించుకున్న కంటెస్టెంట్ సోహెల్ అని చెప్పవచ్చు. హౌస్ లో ఆవేశానికి కేరాఫ్ అడ్రస్ అన్నట్టు మొదటిలో ఉన్నాగాని తర్వాత ప్రతి ఒక్కరితో కలసిపోయి ఉన్నది ఉన్నట్టు ఫేస్ టు ఫేస్ గేమ్ ఆడిన సోహెల్.. ఫ్రెండ్స్ విషయంలో అదేవిధంగా మాస్కులు లేకుండా గేమ్ ఆడే విషయంలో బిగ్ బాస్ ఆడియన్స్ అభిమానం మాత్రమే కాక చాలా మంది సెలబ్రిటీల అభిమానం కూడా అందుకోవడం మనకందరికీ తెలిసిందే.
బిగ్ బాస్ గ్రాండ్ ఫినాలే ఈరోజు మూడో స్థానంలో క్యాష్ ప్రైస్ అందుకుని ఇండస్ట్రీలో చిరంజీవి సపోర్ట్ కూడా సంపాదించడం జరిగింది. కాగా ప్రస్తుతం సోషల్ మీడియాలో రచ్చరచ్చ చేస్తున్నారు. ఇదిలా ఉండగా సినిమాయే తన ప్రపంచమని ముందు నుంచి చెప్పుకొస్తున్న సోహెల్ అవకాశం వస్తే ఇండస్ట్రీలో తన డ్రీమ్ ప్రాజెక్ట్ చేస్తానని ఇటీవల కరీంనగర్ లో ఓ హోటల్ లో ఏర్పాటు చేసిన విలేకరుల సమావేశంలో తెలిపారు.
‘పూర్వపు కరీంనగర్ జిల్లాకు చెందిన నాకు కరీంనగర్, సింగరేణి ప్రాంతాలపై సినిమా రూపొందించాలని ఉందని, అలాంటి అవకాశం వస్తే తప్పకుండా సద్వినియోగం చేసుకుంటా’’ అని బిగ్బాస్ ఫేం సోహెల్ తెలిపారు. బిగ్ బాస్ హౌస్ లో అడుగు పెట్టడం వల్ల కుటుంబసభ్యుల విలువ తెలిసిందని, జీవితంలో మర్చిపోలేని అనుభవాన్ని బిగ్ బాస్ ఇచ్చిందని తెలిపారు. హౌస్ లో ఉన్నంతకాలం తనని సపోర్ట్ చేసిన ప్రతి ఒక్కరికి కృతజ్ఞతలు అంటూ సోహెల్ తెలిపారు. అంత మాత్రమే కాక కెరియర్ పరంగా సపోర్ట్ చేస్తాను అని మాట ఇచ్చిన చిరంజీవి కి నాగార్జున గారికి ప్రత్యేకమైన కృతజ్ఞతలు అని చెప్పుకొచ్చారు.