Hero Suresh : మీకు గుర్తున్నారా? ఈ జనరేషన్ వాళ్లకు తెలియకపోవచ్చు కానీ.. 1980 జనరేషన్ కిడ్స్ కి హీరో సురేశ్ Hero Suresh సుపరిచితుడే. తను ఇండస్ట్రీలోకి వచ్చినప్పుడు మంచి అందగాడు. హీరోయిన్ సౌందర్యతో కూడా చాలా సినిమాలు తీశారు. అప్పట్లో ఇండస్ట్రీలో హీరోగా చాలా సినిమాలు తీసిన సురేశ్.. తర్వాత చిన్న చిన్న అతిథి పాత్రలను చేస్తూ వచ్చారు. ఇప్పుడు కూడా ఏదో చిన్న చిన్న పాత్రలు చేస్తున్నారు.
కానీ.. హీరో సురేశ్ కు గొప్ప పేరు తెచ్చిపెట్టిన సినిమా అంటే అమ్మోరు సినిమానే. ఆ సినిమా గురించి చెప్పాలంటే ముందు సౌందర్య గురించి చెప్పాలి. సౌందర్య కూడా అప్పుడే సినిమాల్లోకి ఎంట్రీ ఇస్తోంది.
ఆ సమయంలో అమ్మోరు సినిమాలో సౌందర్య నటనకు అందరూ ఫిదా అయిపోయారు. ఆ తర్వాత సౌందర్యకు ఆఫర్ల మీద ఆఫర్లు వచ్చి పెద్ద హీరోయిన్ అయిపోయింది.
Hero Suresh : గొప్ప నటివి అవుతావమ్మా అని సౌందర్యతో అన్న సురేశ్
తాజాగా ఆలీతో సరదాగా షోకు గెస్ట్ గా వచ్చిన హీరో సురేశ్… ఆలీతో తన వ్యక్తిగత, సినిమా ముచ్చట్లను పంచుకున్నారు. హీరో సురేశ్ గురించి మనకు తెలియని ఎన్నో విషయాలు ఉన్నాయి. ఆయన పెద్దగా ఎవ్వరికీ ఇంటర్వ్యూలు ఇవ్వరు. ఇవ్వగా చూడలేదు కూడా. ఇప్పుడిప్పుడే ఇంటర్వ్యూలు ఇస్తున్నారు. తాజాగా ఆలీతో సరదాగా షోకు వచ్చిన సురేశ్.. అమ్మోరు సినిమా షూటింగ్ ముచ్చట్లను చెప్పారు.
అమ్మోరు షూటింగ్ సమయంలో.. నేను బాగా చేశానా సార్…అంటూ నన్ను సౌందర్య అడుగుతూ ఉండేది. సౌందర్య గొప్ప నటి. నువ్వు గొప్ప నటివి అవుతావమ్మా.. మంచి ఫ్యూచర్ ఉంది అని చెప్పా. ఆ సినిమాతోనే నాకు సౌందర్య పరిచయం అయింది. అని హీరో సురేశ్.. సౌందర్య గురించి చెప్పారు.
దానికి సంబంధించిన ప్రోమోను తాజాగా విడుదల చేశారు. మీరు కూడా ఓ లుక్కేసుకోండి మరి.