Jr Ntr-Buchi babu: జూనియర్ ఎన్టీఆర్ – బుచ్చ్చిబాబు Jr Ntr-Buchi babu: యంగ్ టైగర్ ఎన్టీఆర్ నటన, డైలాగ్, డ్యాన్స్, ఎమోషన్.. ఇలా ప్రతి విభాగంలో తన స్టామినా ఏంటో నిరూపించాడు. యమదొంగలో ‘యమ’ డైలాగులు చెప్పినా, నాన్నకు ప్రేమతో సినిమాలో సెంటిమెంట్ పండించినా, టెంపర్ లో తన యాక్షన్.. చూపించినా ఎన్టీఆర్ కు ప్రేక్షకాభిమానులు జేజేలు పలికారు. ఇప్పుడు ఎన్టీఆర్ అన్నీ భారీ ప్రాజెక్టులు చేస్తున్నాడు. ప్రస్తుతం రామ్ చరణ్ తో కలసి దర్శక ధీరుడు రాజమౌళి దర్శకత్వంలో ఆర్ఆర్ఆర్ సినిమా చేస్తున్నాడు. ఆటుపై కొరటాల శివతో ఓ సినిమా అనౌన్స్ చేశాడు. ఆ తర్వాత ప్రశాంత్ నీల్ తో సినిమా కూడా కన్పర్మ్ చేశాడు. ఇలా వరుస ప్రాజెక్టులతో ఉన్న ఎన్టీఆర్ కోసం ఓ సక్సెస్ ఫుల్ డైరక్టర్ వెయిట్ చేస్తున్నాడు.
తొలిసారి దర్శకుడిగా కొత్త హీరో, హీరోయిన్లతో ‘ఉప్పెన’ వంటి భారీ బ్లాక్ బస్టర్ ఇచ్చిన బుచ్చిబాబు సానా ఎన్టీఆర్ కోసం వెయిట్ చేస్తున్నాడు. ఈ విషయాన్ని ఆయనే స్వయంగా చెప్పుకొచ్చాడు. నిన్న ఎన్టీఆర్ పుట్టినరోజు సందర్భంగా ట్వీట్ చేస్తూ.. Let’s create a trend telling a local story Globally.. ‘లోకల్ కథను ప్రపంచవ్యాప్తంగా చెప్పి కొత్త ట్రెండ్ సృష్టిద్దాం సార్’ అని తన మనసులోని కోరికను చెప్పేశాడు. అంటే ఎన్టీఆర్ కోసం ఓ కథను సిద్ధం చేసుకున్నట్టుగా తెలుస్తోంది. సుకుమార్ శిష్యుడు.. పైగా రంగస్థలం వంటి సినిమాకు కోడైరక్టర్ గా పని చేసిన అనుభవం, ఉప్పెన లాంటి సున్నితమైన కథను అద్భుతంగా చెప్పిన వైనం బుబ్చిబాబుపై అంచనాలు పెంచుతోంది.
ఇప్పటికైతే ఎన్టీఆర్ మరో రెండు సినిమాలతో కమిట్ అయిపోయి ఉన్నాడు. ఆర్ఆర్ఆర్, కొరటాల శివ, ప్రశాంత్ నీల్ తో సినిమాలు పూర్తైతే కానీ.. బుచ్చిబాబుకు లైన్ క్లియర్ అవదు. ఈలోపు ఎన్టీఆర్ కు బుచ్చిబాబు కథ చెప్పాలి.. ఎన్టీఆర్ గ్రీన్ సిగ్నల్ ఇవ్వడం జరగాలి. ఈ సినిమాను మైత్రీ మూవీ మేకర్స్ లోనే తెరకెక్కించాలని బుచ్చిబాబు ప్రయత్నం. ఇందుకు సంబంధించిన ఊహాగానాలు కూడా గతంలోనే వచ్చాయి. మరి బుచ్చిబాబు తన అభిమాన హీరోతో సినిమా కల ఎప్పుడు నెరవేరుతుందో చూడాలి.