SIP: భావితరాల భవిష్యత్తు కోసం చాలామంది తల్లిదండ్రులు ఇప్పటినుంచే వివిధ మార్గాలలో డబ్బులు ఇన్వెస్ట్ చేస్తూ ఆర్థికంగా సమస్యలు లేకుండా చేసుకుంటూ ఉంటారు. ఇప్పుడు ప్రధానంగా మ్యూచువల్ ఫండ్స్, ఫిక్స్డ్ డిపాజిట్, స్టాక్ మార్కెట్, ఎల్ఐసి , పోస్ట్ ఆఫీస్ వంటివి పెట్టబడులకు బెస్ట్ ఆప్షన్ గా ఉన్నాయి. ముఖ్యంగా మ్యూచువల్ ఫండ్ SIP నుంచి గరిష్ట రాబడిని పొందాలంటే తక్కువ వయసులోనే పెట్టుబడి పెట్టడం ప్రారంభించాలి. మ్యూచువల్ ఫండ్స్ లో దీర్ఘకాలికంగా పెట్టుబడులు పెట్టడం వల్ల ఆర్థిక అవసరాలన్నీ తీర్చుకోవచ్చు. ముఖ్యంగా పెట్టుబడిని త్వరగా ప్రారంభిస్తే ఎక్కువ రాబడి ఉంటుంది . రూ.10 కోట్ల కార్పస్ రావాలంటే ఫండ్స్ లో ఏ వయసులో ఎంత SIP చేయాలి.. ఆ కార్పస్ ను పెన్షన్ గా ఎలా మార్చుకోవాలి అనేది ఇప్పుడు చూద్దాం..
ఉదాహరణకు ఒక వ్యక్తి 60 సంవత్సరాల వయసులో పదవీ విరమణ తర్వాత రూ. 10 కోట్లు పొందాలి అంటే చిన్న వయసు నుంచి ఫండ్స్ లో సిప్ చేయాలి. దీంతో ఇన్స్టాల్మెంట్ అమౌంటు తక్కువగా ఉంటుంది. ఉదాహరణకు ఫండ్స్ లో 12% రాబడి ప్రమాణంగా తీసుకుంటే 20 సంవత్సరాల వయసులో నెలకు కేవలం రూ.8,416 ను ఇన్వెస్ట్ చేయాల్సి ఉంటుంది. మీరు 25 ఏళ్ల నుంచీ పెట్టుబడి పెట్టడం ప్రారంభిస్తే పదవీ విరమణ సమయంలో రూ. 10 కోట్లు పొందాలంటే.. నెలకు రూ.15,396 పెట్టుబడి పెట్టాల్సి ఉంటుంది.
లేదా మీకు ప్రతినెల డబ్బు రావాలి అంటే రిటైర్మెంట్ తర్వాత వచ్చే రూ.10 కోట్ల మొత్తంలో మీ ఆర్థిక అవసరాల కోసం తిరిగి మంత్లీ రిటర్న్స్ గా ప్లాన్ చేసుకోవచ్చు. ప్రధానంగా ఫిక్స్డ్ డిపాజిట్ లేదా ఎల్ఐసి న్యూ జీవన్ శాంతి ప్లాన్ వంటి స్కీమ్స్ లో పెట్టుబడి పెట్టడం వల్ల మీరు ప్రతి నెల పెన్షన్ పొందుతారు.