Gaami: టాలీవుడ్ కుర్ర హీరో విశ్వక్ సేన్ “గామి” ప్రీ రిలీజ్ ఈవెంట్ అంగరంగ వైభవంగా జరిగింది. మహాశివరాత్రి సందర్భంగా మార్చి 8వ తారీకు ఈ సినిమా రిలీజ్ చేయబోతున్నారు. ఈ క్రమంలో ప్రీ రిలీజ్ ఈవెంట్ లో హీరో విశ్వక్ సేన్ హీరోయిన్ చాందిని చౌందరి, డైరెక్టర్ విద్యాధర్‌ తో పాటు అడివి శేష్, నవదీప్ సినీ ప్రముఖులు హాజరయ్యారు. “బేబీ” సినిమా నిర్మాత ఎస్కేఎన్ చాలా వెరైటీ కాస్ట్యూమ్ బట్టలతో హాజరయ్యి సినిమా యూనిట్ తో పాటు అభిమానులను అందరిని షాక్ కి గురి చేశారు. ఇదే సమయంలో మీడియా ప్రతినిధులు సినిమా యూనిట్ ని ప్రశ్నలు వేయడం జరిగింది. ఈ క్రమంలో ఓ రిపోర్టర్ మీ నాన్నగారు ప్రజారాజ్యం పార్టీకి అప్పట్లో అనుకూలంగా ఉండేవారు. ఇప్పుడు మీరు ఏమైనా జనసేన పార్టీలో జాయిన్ అయ్యే అవకాశం ఉందా అంటూ విశ్వక్ కి ప్రశ్న వేశారు.
దీనికి విశ్వక్ షాకింగ్ ఆన్సర్ వచ్చారు. చాలాసేపు తెలివిగా ఆలోచిస్తూ సినిమా వేడుక కాబట్టి జవాబు కాంట్రవర్సీ కాకుండా… తాను డోనాల్డ్ ట్రంప్ కి పెద్ద ఫ్యాన్. అమెరికా అధ్యక్ష ఎన్నికలు జరిగే సమయంలో అక్కడికి వెళ్లి ఓటు వేస్తాను అంటూ సమాధానం ఇచ్చారు. ఎక్కడ వివాదం లేకుండా డోనాల్డ్ ట్రంప్ అభిమానిని ఇక్కడ రాజకీయాలతో… తనకు సంబంధం లేదు. నన్ను అందులోకి లాగొద్దు అన్నట్లు విశ్వక్ ఆన్సర్ ఇవ్వడం జరిగింది. ఈ సినిమాపై రాజమౌళి సోషల్ మీడియా వేదికగా తన అభిప్రాయాన్ని తెలియజేశారు.
హిమాలయా పర్వతాలలో సినిమా షూటింగ్ జరుపుకోవడంతో కటోరమైన కృషి అంటే అసాధ్యమైన కలలు సహకారం అవుతాయి. ఈ సినిమా దర్శకుడు నిర్మాత ఎంత కష్టపడ్డారో నాతో చెప్పినప్పుడు ఈ మాట గుర్తొచ్చింది. ఇందులో విజువల్స్ చూస్తే నాలుగేళ్ల నుంచి వాళ్ళు ఎంత కష్టపడ్డారో అర్థమైంది.. అని రాజమౌళి “గామి” పై పోస్ట్ పెట్టడం జరిగింది. అంతకుముందు ప్రభాస్, నాగ్ అశ్విన్, సందీప్ రెడ్డి వంగ ఇంకా పలువురు సెలబ్రిటీలు సినిమా యూనిట్ పై ప్రశంసలు కురిపించారు. యువి క్రియేషన్స్ నిర్మించిన “గామి” మార్చి 8వ తారీకు గ్రాండ్ గా రిలీజ్ కాబోతుంది.