Aattam OTT response: మలయాళం నుంచి వస్తున్న అనేక త్రిల్లర్ మూవీలు మన తెలుగు ప్రేక్షకులను ఆకర్షిస్తున్నాయి. అదేవిధంగా ప్రశంసలు సైతం దక్కించుకుంటున్నాయి. అలా ఇప్పటికే అనేక వెబ్ సిరీస్ మలయాళం నుంచి విడుదలై మంచి పాజిటివ్ టాక్ దక్కించుకున్నాయి. తాజాగా మరో మలయాళం సక్సెస్ థ్రిల్లర్ మూవీ ఓటిటిలోకి అందుబాటులోకి వచ్చింది. ఎంతోమంది ప్రశంసలు పొందిన ” ఆట్టం ” మూవీ ఓ టి టి స్ట్రీమింగ్ కు వచ్చింది. ఈ ఏడాది జనవరి ఐదున థియేటర్లో రిలీజ్ అయిన ఈ మూవీ మంచి రెస్పాన్స్ ని దక్కించుకుంది.
ఇక ఈ మూవీ యొక్క ఓటీటీ హక్కులను అమెజాన్ ప్రైమ్ వీడియో సంస్థ దక్కించుకుంది. ప్రస్తుతానికి ఈ మూవీ మలయాళ భాషలో మాత్రమే స్ట్రీమింగ్ కి అందుబాటులో ఉంది. అదేవిధంగా ఇంగ్లీషులో టైటిల్స్ అందుబాటులో ఉన్నాయి. ఎక్సైటింగ్ స్టోరీ లైన్ తో రూపొందిన ఈ మూవీ ప్రస్తుతం పోటీటిని షేక్ చేస్తుంది. ఈ మూవీలో జరిన్ షిహబ్, కళాభవన్ షరోజాన్, వినయ్ ఫోర్ట్, అజీ తిరువంకులం వంటి వారు ఈ సినిమాలో ప్రధాన పాత్రలలో వహించారు. ఇక ఆనంద్ ఈ సినిమాకి దర్శకత్వం వహించాడు.
ఈ మూవీ యొక్క కథ మరియు కథంశంలో సస్పెన్స్, టేకింగ్ కి ప్రతి ఒక్కరూ ఫిదా అయ్యారు అని చెప్పొచ్చు. హీరో మరియు ఇతర నటీనటులను ఏ విధంగా చూపించాలో ఆ విధంగా చూపించి మంచి ప్రశంసలు అందుకున్నాడు డైరెక్టర్. ఇక ప్రస్తుతం ఈ మూవీ ఓటిటిలో కూడా దుమ్మురేపుతుంది. నాటకాలు ప్రదర్శించే ఓ టీం లో ఉండే ఓ యువకురాలిపై లైంగిక దాడి జరగడం. తప్పు చేసింది ఎవరని గుర్తించడం. చివరికి ఆ నిందితుడిని పట్టుకోవడం.
అదేవిధంగా జెండర్ పాలిటిక్స్ మరియు మనుషులలో ఉండే కపటత్వాన్ని ఈ సినిమాలో దర్శకుడు స్పష్టంగా చూపించాడు. ఓ టీం లో 12 మంది పురుషులు ఉండగా.. ఒకే ఒక అమ్మాయి అంజలి ( జరీన్) ఉంటుంది. ఓ రోజు అంజలిపై ఓ వ్యక్తి లైంగిక దాడులకు పాల్పడతాడు. అయితే ఈ నేరానికి పాల్పడింది ఎవరో గుర్తించేందుకు టీం లోని సభ్యులు ఓ మీటింగ్ పెడతారు. ఇందులో అందరూ తమ వాదనలను మరియు అభిప్రాయాలను చెబుతారు. అదేవిధంగా ఒకరిపై ఒకరు నిందలు సైతం వేసుకుంటారు. ఇక గ్రూప్లో ఉన్న విభేదాలతో పాటు చాలా విషయాలు బయటకి వస్తాయి. చివరికి అంజలి పై దాడి చేసింది ఎవరు అనేది బయటపడుతుంది. అలా చిత్రం యొక్క కథాంశం రూపొందింది.