Vastu Tips : జ్యోతిష్య శాస్త్రం ప్రకారం లక్ష్మీదేవి అనుగ్రహం కలగాలంటే కొన్ని నియమాలను కచ్చితంగా పాటించాల్సిన అవసరం ఉందని కొందరి జ్యోతిష్య పండితులు చెబుతూ ఉంటారు. అయితే ఏది ఎలా ఉండాలి అనేది వాస్తు శాస్త్రాన్ని బట్టి తెలుస్తుంది. అలా ఉంటేనే మంచి శుభ ఫలితాలు వస్తాయని శాస్త్రంలో కూడా ఉంది. అంతేకాకుండా ఇంట్లోకి లక్ష్మీదేవి రావాలి అంటే పాటించాల్సిన నియమాలను గురించి ఇప్పుడు మనం తెలుసుకుందాం.
ఇంటి ముఖ ద్వారం చూడటానికి అందంగా ఉండాలి. చక్కగా అలంకరించాలి. మెరిసే రంగులతో బాగా కాంతివంతంగా ఉండాలి. చీకటి రంగులు అస్సలు ఉండకూడదు. ఇంటి ముఖ ద్వారం దగ్గర సరైన కాంతి లేకపోతే లక్ష్మీదేవి ఆ ఇంటిలోనికి అడుగు కూడా పెట్టదు. అదేవిధంగా ఆమె బదులుగా జేష్టా దేవి ఆ ఇంట్లోకి అడుగుపెడుతుంది. ముఖ్యంగా ఇంటి ముందు ప్రధాన ద్వారానికి గ్లాసులు, అద్దాలు లాంటివి పెట్టకూడదు. వాటి ప్రతిక్షేపనం అవుతుంది. అలా ఉండడం వలన లక్ష్మి దేవి కి నచ్చదు. అమ్మవారికి బదులు దరిద్ర దేవత ఇంట్లోకి అడుగు పెట్టకుండా ఉండాలి ఇంటి గడప సరైంది గా ఉండాలి.
గడప మరీ ఎత్తు ఎక్కువగా ఉండకూడదు. అశుభ్రంగా అస్సలు ఉండకూడదు. ఇంట్లోకి పాజిటివ్ ఎనర్జీ తేలిగ్గా వచ్చేలా చూసుకోవాలి. అప్పుడే లక్ష్మీదేవి అనుగ్రహం కలుగుతుంది. అలాగే ఇంటిముందు ప్రధాన తలుపు ఇంట్లోనే మిగతా అన్ని తలుపుల కంటే కొద్దిగా పెద్దగా ఉండేలా చూసుకోవాలి. ఆ తలుపును లోపల నుంచి తెరిచేలా ఉంచుకోవాలి. అలా తెలిస్తే పాజిటివ్ ఎనర్జీ ఇంట్లోకి వస్తుంది. ఇంటి ప్రధాన ద్వారం ముందు తప్పకుండా అందమైన ముగ్గులు పెట్టడం చాలా మంచిది. ముఖ్యంగాఅమ్మవారికి సాంప్రదాయ ముగ్గులు అంటే చాలా ఇష్టం. ఆ ముగ్గులతోనే మీపై అమ్మకు జాలి మరియు దయ, ప్రేమ వంటివి కలిగి ఇంట్లోకి సంతోషంగా అడుగుపెడుతుంది. ఈ నియమాలను తప్పక పాటిస్తే లక్ష్మీదేవి మీ ఇంట్లోకి అడుగుపెడుతుందని జ్యోతిష్య శాస్త్ర నిపుణులు చెబుతున్నారు…