సాలకట్ల బ్రహ్మోత్సవాల సందర్భంగా నాలుగో రోజు రాత్రి శ్రీదేవి, భూదేవి సమేత మలయప్పస్వామి సర్వభూపాల వాహనంపై భక్తులకు అభయమిస్తారు.
సర్వభూపాల అంటే విశ్వమంతటకీ రాజు అని అర్థం. అంటే శ్రీవారు సకల దిక్పాలకులకు రాజాధిరాజని భావం. తూర్పుదిక్కుకు ఇంద్రుడు, ఆగ్నేయానికి అగ్ని, దక్షిణాన యముడు, నైరుతికి నిరృతి, పశ్చిమాన వరుణుడు, వాయువ్యానికి వాయువు, ఉత్తరాన కుబేరుడు, ఈశాన్యంలో పరమేశ్వరుడు అష్టదిక్పాలకులుగా విరాజిల్లుతున్నారు. ఈ వాహన సేవ చూడటం వల్ల దిక్పాలకుల అనుగ్రహం కలుగుతుందని విశ్వాసం.