Ammayi Garu Serial Heroine: ప్రస్తుతం సీరియల్స్ పరంగా స్టార్ మా ఎంతటి టిఆర్పి రేటింగ్ తో దూసుకుపోతుందో మనందరికీ తెలిసిందే. ఏ ఛానల్ కి లేనివిధంగా కొత్తకొత్త కాన్సెప్ట్లను అందిస్తూ ప్రతి ఒక్క ప్రేక్షకుడి దృష్టి తమ ఛానల్ పై మళ్లించుకుంటున్నారు స్టార్ మా వారు. ఈ క్రమంలోనే పలు సీరియల్స్ ని సైతం ప్రేక్షకుల ముందుకి తీసుకొస్తున్నారు. ఇక ఈ స్టార్ మా ఛానల్ ని ఢీకొట్టేందుకు జీతెలుగు మరియు ఇతర ఛానల్స్ వారు కూడా తమ వంతు ప్రయత్నం చేస్తున్నారు. అలా అన్ని చానల్స్ పోటీ పడలేకపోయినా స్టార్ మాతో ఒక జీతెలుగు మాత్రమే పోటీ పడగలుగుతుంది. మిగతా చానల్స్ కి పెద్దగా ప్రేక్షక ఆదరణ దక్కడం లేదు. మొన్నటి వరకు స్టార్ మా టాప్ రేటింగ్ లో కొనసాగింది.
కానీ ఇప్పుడు జీ తెలుగు టాప్ రేటింగ్ లో కొనసాగుతుంది. ఇక జీ తెలుగు మరింత తమ ఛానల్ ను నిరూపించుకోవాలని ఆలోచనతో రకరకాల కథలతో ప్రేక్షకుల ముందుకి వస్తున్నారు. అలా వచ్చిన సీరియల్ నే అమ్మాయిగారు కూడా. ఈ సీరియల్ స్టోరీ పరంగా బాగోవడంతో తక్కువ సమయంలోనే మంచి పాపులారిటీ దక్కించుకుంది. ఇక ఈ సీరియల్ లో హీరోయిన్ గా నటిస్తున్న నిషా బుల్లితెర ప్రేక్షకులకు విపరీతంగా నచ్చేసింది. ఈ ముద్దుగుమ్మ జీ తెలుగులో ప్రసారమైన ముత్యమంతం ముగ్గు సీరియల్ ద్వారా తెలుగు ప్రేక్షకులకు పరిచయం అయింది. ఈమె అసలు పేరు నిషా మిలానా.
జూన్ 9, 2000 సంవత్సరంలో కర్ణాటక రాష్ట్రంలో జన్మించింది నిషా. ఈమె ఓ కన్నడ అమ్మాయి. ఈమె బీకాం ని పూర్తి చేసింది. ఇక చిన్నప్పటినుంచి యాక్టింగ్ మరియు డాన్సింగ్ పై ఇంట్రెస్ట్ ఉండడంతో చిన్న వయసులోనే భరతనాట్యంలో ట్రైనింగ్ తీసుకుంది. ఇక స్కూల్ చదువుతున్న సమయంలోనే యాంకర్ గా తన కెరీర్ ను ప్రారంభించింది నిషా. మిస్టర్ కావ్య అనే కన్నడ మూవీ లో భరతనాట్యం సాంగ్ చేసి కన్నడ ఆడియన్స్ ని విపరీతంగా ఆకట్టుకుంది. ఇక అనంతరం ఓ సీరియల్ తో తమిళ్ ఇండస్ట్రీకి ఎంట్రీ ఇచ్చింది.
అనంతరం పలు కన్నడ సీరియల్స్ లో నటించి మెప్పించింది కూడా. ఇక కన్నడలో ఒక సీరియల్స్ కే పరిమితం కాకుండా పలు సినిమాలలో సైతం తన అదృష్టాన్ని పరీక్షించుకుంది. ప్రస్తుతం ఈ ముద్దుగుమ్మ కన్నడలో ప్రసారమవుతున్న గట్టి మేళం అని సీరియల్ లో నటిస్తుంది. అదేవిధంగా తెలుగు లో కూడా అమ్మాయిగారు అనే సీరియల్తో ప్రేక్షకుల్ని అలరిస్తుంది. ఇక ఒక పక్క సీరియల్స్ లో నటిస్తూనే మరో పక్క సోషల్ మీడియాలో కూడా ఫుల్ యాక్టివ్ గా ఉంటుంది. నిత్యం తన అందచందాలను ఆరబోస్తూ తన ఫాన్స్ కి ట్రీట్ ఇస్తుంది. ఇక తాజాగా పింక్ కలర్ పట్టు చీర ధరించి నాజుకు అందాలతో తన టాలెంట్ ని బయటపెట్టింది. ప్రస్తుతం ఇందుకు సంబంధించిన ఫోటోలు సోషల్ మీడియాలో నెట్టింట చక్కర్లు కొడుతున్నాయి.