Niharika Konidela: మెగా బ్రదర్ నాగబాబు కుమార్తె, నటి నిహారిక కొణిదెల ప్రస్తుతం తన ఫోకస్ మొత్తాన్ని కెరీర్ పైనే పెట్టింది. పెళ్లయిన రెండేళ్లకే చైతన్య జొన్నలగడ్డ నుంచి విడాకులు తీసుకున్న నిహారిక.. ఇప్పుడు భాషతో సంబంధం లేకుండా వరుసగా సినిమాలను ఎంపిక చేసుకుంటుంది. అలాగే సొంతంగా పింక్‌ ఎలిఫెంట్‌ పిక్చర్స్ పేరుతో ప్రొడక్షన్ హౌస్ స్టార్ట్ చేసి పలు వెబ్ సిరీస్ లను నిర్మిస్తోంది. ఇప్ప‌టికే నాన్న కూచి, మ్యాడ్‌ హౌజ్‌, ఒక చిన్న ఫ్యామిలీ స్టోరీ, హలో వరల్డ్, డెడ్‌ పిక్సెల్స్ వంటి వెబ్ సిరీస్‌ల‌ను ప్రొడ్యూస్ చేసింది.
ఇదిలా ఉంటే తాజాగా ఓ ఇంటర్వ్యూలో నిహారిక ఇండ‌స్ట్రీలో తన ఫస్ట్ రెమ్యునరేషన్ గురించి ఓపెన్ అయింది. మెగా ఫ్యామిలీ నుంచి సినీ పరిశ్రమకు పరిచయమైన ఏకైక హీరోయిన్ నిహారిక. స్టడీస్ పూర్తయిన తర్వాత ఈ బ్యూటీ యాంకర్ గా బుల్లితెరపై అడుగు పెట్టింది. ప్రముఖ రియాలిటీ షో ఢీ జూనియర్స్ షో ద్వారా 2015లో తన కెరీర్ ప్రారంభించింది. తనదైన మాట తీరుతో అందరినీ మెప్పించింది.
అయితే ఈ షోకు గాను నిహారిక తీసుకున్న రెమ్యునరేషన్ ఎంతో తెలుసా.. అస్సలు గెస్ చేయలేరు. ఢీ జూనియర్స్ షోకు నిహారిక తీసుకున్న ఫస్ట్ రెమ్యునరేషన్ రూ. 20 వేలు. ఒక్కో ఎపిసోడ్ కి నిహారిక రూ. 20,000 తీసుకునేదట. అప్పట్లో తాను పెద్దగా డిమాండ్ చేయలేదని.. ఇచ్చినంత తీసుకున్నానని నిహారిక తెలిపింది. అలాగే ఢీ జూనియర్స్ షో ద్వారా సంపాదించిన డబ్బును సొంత ఖర్చులకు కాకుండా తండ్రి నాగబాబుకు ఇచ్చేదాన్న‌ని.. ఆయన ఆ డబ్బును తన పేరిటే సేవ్ చేసేవార‌ని నిహారిక చెప్పుకొచ్చింది.
అంతేకాకుండా తన ఫస్ట్ రెమ్యునరేషన్ తో అమ్మా నాన్నలకు గిఫ్ట్స్ ఇచ్చాన‌ని.. నాన్న నాగబాబుకు హెడ్‌ ఫోన్ మ‌రియు త‌ల్లి ప‌ద్మ‌జాకు గోల్డ్ ముక్కుపుడక కానుక‌గా ఇచ్చాన‌ని, అవి చూసి వారెంతో సంతోషించార‌ని నిహారిక పేర్కొంది. కాగా, ప్రస్తుతం నిహారిక మద్రాస్కరన్ అనే ఓ త‌మిళ చిత్రంలో న‌టిస్తోంది. ఇందులో ఆర్‌డీఎక్స్ ఫేమ్ షేన్ నిగ‌మ్ హీరోగా న‌టిస్తున్నాడు. అలాగే టాలీవుడ్ లో వాట్ ది ఫిష్ పేరుతో ఓ మూవీ చేస్తోంది. ప్ర‌యోగాత్మ‌క క‌థాంశంతో తెర‌కెక్కుతున్న ఈ చిత్రం ఇప్పుడు చిత్రీక‌ర‌ణ ద‌శలో ఉంది.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!