Ugadi Pachhadi: చైత్ర శుక్ల పక్ష పాడ్యమినాడు ఉగాది పండుగను జరుపుకుంటారు..! ఉగాది రోజు నుండే తెలుగు సంవత్సరం మొదలవుతుంది..! తెలుగువారి మొదటి పండుగ ఉగాది..! ఈ పర్వదినం రోజున కొత్త పనులు ప్రారంభించుట పరిపాటి..! ఈ పండుగ రోజు ఉగాది పచ్చడి కచ్చితంగా తినమని పెద్దలు చెబుతుంటారు..! ఉగాది పచ్చడి ఎలా తయారు చేసుకోవాలో ఇప్పుడు చూద్దాం..!
ఉగాది పచ్చడి కి కావలసిన పదార్థాలు:
వేపపువ్వు అరకప్పు, మామిడికాయ ఒకటి, సన్నగా తరిగిన కొబ్బరి ముక్కలు అర కప్పు, కొత్త చింతపండు 100 గ్రాములు, కొత్త బెల్లం 100 గ్రాములు, రెండు మిరపకాయలు, ఒక అరటిపండు, చెరుకు రసం అరకప్పు, ఉప్పు కొద్దిగా, నీళ్ళు సరిపడినంత తీసుకోవాలి.
ముందుగా వేపపువ్వును కాడ నుంచి వేరు చేసే పక్కన పెట్టుకోవాలి. చింతపండు లో వేడి నీటిని పోసి 5 నిమిషాలు నానబెట్టి గుజ్జు తీసుకోవాలి. మామిడి, కొబ్బరి, మిరపకాయ అన్నింటిని సన్నగా తరిగి పక్కన పెట్టుకోవాలి. ఇప్పుడు ఒక బౌల్ తీసుకొని అందులో సన్నగా తరిగిన ముక్కలు, చింతపండు గుజ్జు, ఉప్పు బెల్లం తురుము వేసి కలపాలి. రుచికి తగినంత నీటిని పోయాలి. అంతే ఉగాది పచ్చడి రెడీ. వసంత లక్ష్మి ఆహ్వానించి నైవేద్యంగా సమర్పించి ఉగాది పచ్చడిని అందరికీ పెట్టాలి.