శరత్ మాండవ అనే కొత్త దర్శకుడు దర్శకత్వంలో రవితేజ నటించిన “రామారావు ఆన్ డ్యూటీ” జులై 28వ తారీకు విడుదల అవటానికి సిద్ధంగా ఉంది. ఈ సినిమాకి సంబంధించి ఆదివారం ప్రీ రిలీజ్ వేడుక హైదరాబాద్ లో అభిమానుల మధ్య అంగరంగ వైభవంగా జరిగింది. ఈ కార్యక్రమానికి న్యాచురల్ స్టార్ నాని ముఖ్యఅతిథిగా హాజరయ్యారు. ఈ సందర్భంగా నాని మాట్లాడుతూ రవి అన్నని ఇన్స్పిరేషన్ గా తీసుకొని కెరియర్ లో విజయవంతంగా రాణించడం జరిగిందని చెప్పుకొచ్చారు.
ఇక రవితేజ సినిమా గురించి అనేక విషయాలు తెలియజేస్తూ హీరో నాని.. అంటే వ్యక్తిగతంగా మాత్రమే కాదు ప్రొఫెషనల్ గా చాలా ఇష్టం అని పేర్కొన్నారు. తెలుగులోనే కాదు సౌత్ ఫిలిం ఇండస్ట్రీలోనే ఫైనాన్స్ ఆర్టిస్ట్ అని స్పష్టం చేశారు. అతని టైమింగ్ చాలా ఇష్టం… చాలా సెన్సిబుల్ నటుడు అని స్పష్టం చేశారు. ఇక చాలా సంవత్సరాల తర్వాత ఈ సినిమాలో రీ ఎంట్రీ ఇచ్చిన హీరో వేణు నీ కూడా రవితేజ పొగడ్తలతో ముంచెత్తారు. సెకండ్ ఇన్నింగ్స్ చాలా విజయవంతంగా కొనసాగించాలని మళ్లీ ఎక్కడ గ్యాప్ రాకూడదని చెప్పుకొచ్చారు.
వాస్తవానికి వేణుతో అప్పట్లో “స్వయంవరం” సినిమాల్లో నటించాలి కానీ అది మిస్ అయింది. మళ్ళీ చాలా సంవత్సరాల తర్వాత ఇప్పుడు ఈ సినిమాలో వేణుతో నటించడం చాలా సంతోషంగా ఉందని రవితేజ పేర్కొన్నారు. ఇంకా అనేక విషయాలు తెలియజేసి కచ్చితంగా సినిమా అందరికీ నచ్చుతుందని రవితేజ అన్నారు. ఈ సినిమాలో రవితేజ కలెక్టర్ పాత్రలో కనిపిస్తున్నారు. కెరియర్ లో ఎప్పుడు చేయని పాత్రలో రవితేజ నటించటంతో “రామారావు ఆన్ డ్యూటీ” పై భారీ అంచనాలు నెలకొన్నాయి.