Coffee powder : చాలా మంది ఇళ్లలో కాఫీ పెట్టుకొని డికాక్షన్ తీసుకుని.. ఆ తర్వాత ఆ పొడిని పారేయడమోలేదా మొక్కల కు వేయడమో చేస్తారు. ఇకనుండి ఆ పొడిని పడేయకుండా ఇంకా వేటి వేటికి వాడుకోవచ్చో తెలుసుకుందాం.. కాఫీ పొడి కి చుట్టుపక్కల వాసనలను గ్రహించేస్తుంది. గదిలో కానీ, ఫ్రిజ్లో కానీ భరించలేని వాసనలు వస్తున్నపుడు. అక్కడ వాడేసిన కాఫీ పొడిని పెడితే ,కొంత సేపటి తర్వాత ఆ వాసనలు మాయమవుతాయి.
నిద్ర సరిపోక కళ్లు ఉబ్బినట్లు అయ్యాయా?? కాఫీ పొడి కి నీరు లేదా ఆలివ్ ఆయిల్ కలిపి ఆ మిశ్రమాన్ని కళ్ల కింద ఉన్న నల్లటి గీతల పై అప్లై చేసుకోవాలి. కాఫీ పొడి లోని కెఫైన్ రక్త సరఫరాను వేగవంతం చేయడానికి బాగా ఉపయోగపడుతుంది. పావు గంట తర్వాత ముఖం కడుక్కుంటే కళ్ళు కాంతివంతంగా ఉంటాయి. నల్లటి కూడా తగ్గుతాయి.కాఫీ వాసన మనుషుల కు పడుతుంది కానీ క్రిమి కీటకాలు అస్సలు పడదు.కాబట్టి మీ ఇంట్లో ఎక్కడ పురుగులు, కీటకాలు, బొద్దింకల వంటివి ఉన్నాయో.. అక్కడ కాఫీ పొడిని ఉంచండి. అప్పడు కీటకాలతో పాటు దోమలు కూడా పారిపోతాయి.అవి అలా పారిపోవాలంటే కాఫీ పొడిని కాల్చి పొగ రప్పించాలి. ఆ పొగను దోమలు అసలు భరించలేవు. ఈ పని చేసేటప్పుడు కొంచెం జాగ్రత్తగా ఉండాలి.
మాంసం రుచి సూపర్ గా ఉండాలంటే, దానికి కాఫీ పొడిని పూసి అరగంట తర్వాత మాంసాన్ని కడిగి వండుకోవాలి. కాఫీలోని యాసిడ్… మాంసానికి మంచి రుచిని తెస్తాయి. ఇంట్లో వంట పాత్రల పై జిడ్డు మరకలు, కాలిన మసి మరకలు వదిలించాలంటే.. కాఫీ పొడి వేసి, స్క్రబ్బర్తో రుద్ది కడిగితే పాత్రలు మెరిసిపోతాయి. సింకులో, బాత్రూం, టాయిలెట్లో శుభ్రం గా అనిపించకపోతే, కాఫీ పొడి చల్లి… ఏదైనా వాషింగ్ లిక్విడ్ వేసి కడిగేస్తే బాగా శుభ్రంగా ఉంటాయి.ఇదేదో బాగుంది కదా అని అదేపనిగా చేస్తుంటే సింకు కూడా పాడయ్యే ప్రమాదం ఉంటుంది.ఈ టిప్స్ చేస్తున్నప్పుడు కాఫీ పొడిని ఎక్కువ సేపు ఎక్కడ ఉంచేయవద్దు. వాడేసిన కాఫీ ఎక్కువ కాలం నిల్వ ఉండదు… వాసన వస్తుంది. కాబట్టి దాన్ని ఎక్కడ వేసిన కొన్ని గంటల్లోనే తీసేయాలని గుర్తు పెట్టుకోండి.