సగం సీజన్ పూర్తవడంతో బిగ్ బాస్ హౌస్ లో వాతావరణం మంచి వేడి వేడిగా ఉంది. ముఖ్యంగా నోయల్ వెళ్ళిపోతూ వెళ్ళిపోతూ ఇంటి సభ్యుల పై వేసిన డైలాగులు మంచి కాక పుట్టిస్తున్నాయి. ఇదిలా ఉండగా తాజాగా ఇంటి సభ్యులకు బిగ్ బాస్ ఇచ్చిన “పల్లెకు పోదాం ఛ‌లో ఛ‌లో” టాస్క్ లో గురువారం ప్రసారం కాబోయే ఎపిసోడ్ ప్రోమో లో ఇంటి సభ్యుల మధ్య గొడవలు భారీ స్థాయిలో జరిగినట్లు అర్థమవుతుంది.
సోహెల్ గ్రామ పెద్దగా పల్లెటూరి భాషలో మాట్లాడుతూ…. తన క్యారెక్టర్ కి న్యాయం చేస్తున్నాడు. అవసరం కోసం కొంతమంది పల్లెటూరు భాష మాట్లాడాలని ప్రయత్నించినా .. వారి యాస బట్టి చూస్తే చాలా దారుణంగా ఉంది. ఇదిలా ఉండగా బిగ్ బాస్ హారికా కి సీక్రెట్ టాస్క్ ఇవ్వటంతో… ముక్కు అవినాష్ కి భయంకరమైన కోపం తెప్పించే రీతిలో పిక్స్ పెర్ఫార్మెన్స్ తో రాణిస్తుంది. ఈ క్రమంలో మాస్టర్ పై కాఫీ పోయగా తాజాగా హౌస్ లో అందరిని నవ్వించే అవినాష్ కి పిచ్చ కోపం తెప్పించే ప్రయత్నం స్టార్ట్ చేసింది దేత్తడి హారిక.
పాన్ షాప్ మీద కావాలని దౌర్జన్యం చేసి అక్కడ వస్తువులను నేలపైకి విసిరికొట్టింది, దీంతో ఉన్నట్టు ఉండి ఒక్కసారిగా అవినాష్ చెలరేగిపోయి పాన్ షాప్ మొత్తాన్ని నేలమట్టం చేశాడు. అంతేకాకుండా తమాషా చేస్తున్నారా అని ఏంటి సభ్యులందరి పై గొడవకు దిగాడు. ఇదే సమయంలో హారిక కూడా మరింతగా రెచ్చిపోయి బరాబర్ ఎవరొస్తారో రండి అన్నట్టు వాయిస్ పెంచేసింది. ఈ గొడవలో సైకిల్ మధ్యలో కి రావడంతో…. మరింత పెద్దదిగా మారినట్లు ప్రోమో బట్టి అర్థమవుతుంది. ఏది ఏమైనా సీక్రెట్ టాస్క్ లో హారిక మాత్రం చాలా తెలివిగా ఇంటిలో ఉన్న బలమైన కంటెస్టెంట్ లనే బురిడీ కొట్టించే రీతిలో పెర్ఫార్మెన్స్ ఇచ్చింది.