తెలుగు బిగ్ బాస్ సీజన్ 4 దాదాపు వంద రోజులకు పైగానే టెలివిజన్ ప్రేక్షకులను అలరించింది. 19 మంది వైల్డ్ కార్డు తో కలిపి ఇంటిలోకి సభ్యులు ఎంటర్ అయితే చివరాకరికి టైటిల్ అభిజిత్ కి రావటం జరిగింది. గ్రాండ్ ఫినాలే ఎపిసోడ్ అంగరంగ వైభవంగా జరిగింది. ఈ ఎపిసోడ్ లో మ్యూజిక్ డైరెక్టర్ థమన్ తో ఇండస్ట్రీలో టాప్ హీరోయిన్లు వేదికపై చిందులు వేయగా.. మెగాస్టార్ చిరంజీవి చీఫ్ గెస్ట్ గా రావడం తెలిసిందే.
చిరంజీవి ఎంట్రీ తో ఆయన డైలాగులతో చేసిన కామెడీ తో ఓ రేంజ్ లో అప్పటిదాకా చప్పగా సాగిన ఎపిసోడ్ ఒక్కసారిగా ఆకాశాన్నంటినటు అయింది. సీజన్ త్రీ తరహాలోనే సీజన్ ఫోర్ లో చిరంజీవి తనదైన మార్క్ చూపించారు. ఇదిలా ఉండగా సీజన్ ఫోర్ గ్రాండ్ ఫినాలే ఎపిసోడ్ కోసం భారీస్థాయిలో స్టార్ మా యాజమాన్యం ఖర్చుపెట్టినట్లు సరికొత్త వార్త ఇప్పుడు సోషల్ మీడియాలో వినిపిస్తుంది.
ఈ ఎపిసోడ్ కోసం దాదాపు రూ. 2.5 కోట్లు ఖర్చు చేసినట్లు సమాచారం. విన్నర్‌కు ఇచ్చే రూ. 50 లక్షల ప్రైజ్ మనీతో సహా.. భారీ సెట్‌, ఈవెంట్‌కు.. చేసిన డాన్సులకు కలిసి రెండున్నర కోట్లు ఖర్చయిందని టాక్ వినిపిస్తోంది. అలాగే బిగ్ బాస్ సీజన్ 4 లాంచింగ్ ఎపిసోడ్‌కు కోటిన్నర ఖర్చు చేశారని సరికొత్త వార్తలు సోషల్ మీడియాలో వైరల్ అవుతున్నాయి. వస్తున్న వార్తల్లో నిజం ఎంతో తెలియదు కానీ చివరి రోజు ఎపిసోడ్ కోసం స్టార్ మా యాజమాన్యం ఆ స్థాయిలో ఖర్చు పెట్టడం పట్ల నెటిజన్లు ఆశ్చర్యపోతున్నారు.
