బిగ్ బాస్ అనేది కాంట్రవర్సీకి కేరాఫ్ అడ్రస్. అయినా కానీ బిగ్ బాస్ కు వచ్చే టీఆర్పీ రేటింగులు మరే రియాలిటీ షోకు రావంటే అతిశయోక్తి కాదు. ప్రస్తుతం బిగ్ బాస్ సీజన్ 4 కు తెరలేచిన విషయం తెల్సిందే. వివిధ రంగాలకు చెందిన సెలబ్రిటీలు ఈ సీజన్ లో కంటెస్టెంట్ లుగా ఎంట్రీ ఇచ్చారు. అలాగే మీడియా నుండి టివి9 దేవి/దేవి నాగవల్లి బిగ్ బాస్ లోకి అడుగుపెట్టింది.
తాను వచ్చింది డబ్బు సంపాదించడం కోసమేనని నిర్మొహమాటంగా చెప్పింది దేవి. అయితే ఆమే ఫస్ట్ ఎలిమినేట్ అవ్వబోతోంది అంటూ ఇప్పుడు అనలిస్టులు భావిస్తున్నారు. దానికి కారణం ఆమె పనిచేసే మీడియా సంస్థ టివి9. కట్ చేస్తే ఇటీవలే మాధవి లత – పవన్ కళ్యాణ్ ఇష్యూలో టివి9 వ్యవహరించిన తీరు పవన్ కళ్యాణ్ అభిమానులకు బాగా కోపం తెప్పించింది.
పవన్ కళ్యాణ్ పుట్టినరోజు సందర్భంగా తనకు విషెస్ చెప్పిన సెలబ్రిటీలు అందరికీ పవన్ పేరుపేరునా కృతఙ్ఞతలు తెలిపాడు. అయితే దీన్ని కూడా తప్పుడు కోణంలో చూసిన మాధవి లత పవన్ కళ్యాణ్ కు వ్యతిరేకంగా పోస్టు పెట్టింది. వెంటనే వివాదాన్ని క్యాష్ చేసుకుందామని భావించిన టివి9 ఆమెతో ప్రైమ్ టైమ్ డిబేట్ ప్రోగ్రాం నిర్వహించారు.
దీన్ని జనసేన వ్యతిరేకిస్తూ టివి9ను బాధ్యతగా మెలగమని ప్రెస్ నోట్ లో తెలియజేసింది. ఈ విషయంపై గట్టిగా హర్ట్ అయిన పవన్ కళ్యాణ్ అభిమానులు, #shamelessTV9 అనే హ్యాష్ ట్యాగ్ ను అంతర్జాతీయ స్థాయిలో ట్రెండ్ చేసారు. టివి9పై ఆగ్రహంతో ఊగిపోతున్న పవన్ కళ్యాణ్ అభిమానులు దేవి కనుక నామినేషన్స్ లోకి మొదటి వారమే వస్తే ఆమెను బయటకు పంపించడానికి సమాయత్తమవుతున్నారు. మరి చూడాలి ఏం జరుగుతుందో.
