Makara: మూడు రోజుల సంక్రాంతి పండుగలో మకర సంక్రాంతి ముఖ్యమైంది.. మకర సంక్రాంతి రోజున సూర్యుడు ధనస్సు రాశి నుంచి బయటికి వచ్చి మకర రాశిలోకి ప్రవేశిస్తాడు.. అందుకే ఈ పండగను మకర సంక్రాంతి అని పిలుస్తారు మకర సంక్రాంతి రోజున తల స్నానం చేసి దానం చేయడం శుభప్రదంగా భావిస్తారు. రాశి చక్రం ప్రకారం ఏ రాశుల వారు ఏయే దానాలను చేస్తే మంచిదో ఇప్పుడు తెలుసుకుందాం.
మేషరాశి వారు బెల్లం, వేరుశనగ, నువ్వులు దానం చేస్తే అన్ని విధాలుగా శుభం కలుగుతుంది.
వృషభ రాశి వారు బట్టలు, బియ్యం, నువ్వులు, పెరుగు, స్వీట్లు దానం చేస్తే మీ రూ చేపట్టిందల్లా విజయవంతం అవుతుంది.
మిధున రాశి వారు పెసరపప్పు, బియ్యం , దానం చేయాలి. అలాగే పేదవారికి దుప్పట్లు దానం చేస్తే మీ కష్టాలు తొలగిపోయి. సుఖాలు వస్తాయి.
కర్కాటక రాశి వారు వెండి పాత్రలను దానం చేస్తే శుభ ఫలితంగా ఉంటుంది. అలాగే తెల్ల నువ్వులతో చేసిన ఆహార పదార్థాలను దానం చేయడం వల్ల మెరుగైన ప్రయోజనాలు కలుగుతాయి.
సింహ రాశి వారు రాగి పాత్రలను దానం చేయాలి. అలాగే తెల్ల నువ్వులను దానం చేయడం వల్ల మీ కష్టాలన్నీ తొలగిపోయి సంతోషం వెల్లివిరుస్తుంది.
కన్యా రాశి వారు నువ్వులు, మినప్పప్పును దానం చేయాలి. అలాగే దుప్పట్లను దానం చేసిన కూడా మంచి జరుగుతుంది. మీ ఆర్థిక ఇబ్బందులు అన్నీ తొలగి సంతోషంగా ఉంటారు.
తులా రాశి వాళ్ళు పంచదార, కీర్, బట్టలను దానం చేయడం వల్ల మీ సకల కోరికలు నెరవేరుతాయి.
వృశ్చిక రాశి వారు ఎరుపు రంగు దుస్తులను దానం చేస్తే ప్రయోజనకరంగా ఉంటుంది. ఈ దానం వల్ల మీ కోరికలు త్వరగా నెరవేరుతాయి. నువ్వులను కూడా దానం చేస్తే ఇంకా మంచి ఫలితాలు కలుగుతాయి.
ధనస్సు రాశి వారు నువ్వులు, వేరుశనగపప్పును దానం చేస్తే ఆర్థిక ఇబ్బందులు తొలగిపోతాయి.
మకర రాశి వారు మకర సంక్రాంతి రోజున నువ్వులు, నూనె దానం చేయాలి. అలాగే ఉన్ని బట్టలు, దుప్పట్లు, పుస్తకాలను దానం చేయడం వల్ల ప్రయోజనకరంగా ఉంటుంది. ఈ వస్తువులు దానం చేయడం వల్ల మీ కోరికలు అన్ని నెరవేరుతాయి.
కుంభ రాశి వారు సబ్బులు, బట్టలు, నూనె ఇతర వస్తువులు దానం చేయడం వల్ల మీ పనిలో పురోగతి ఉంటుంది.
మీన రాశి వారు శనగలు, సాబుదానా, నువ్వులు దానం చేయాలి అలాగే దోమతెరలు దుప్పట్లు దానం చేస్తే శుభ ఫలితాలు కలుగుతాయి. మీ పాపాలన్నీ తొలగిపోతాయి.