Hair Oil: నేటి ఆధునిక జీవన విధానం, ఆహారపు అలవాట్లు, వాతావరణ కాలుష్యం కారణంగా జుట్టు ఊడిపోతుంది.. మార్కెట్లో లభించే ఆయిల్స్ ను వాడి ప్రయోజనం లేక అలసిపోయారా..!? అయితే ఈ చిట్కా మీ కోసం.. మన ఇంట్లోనే ఈ పదార్థాలతో నూనె తయారు చేసుకుని వాడితే జుట్టు సమస్యలు ఉండవు.. ఇంకా ఒత్తుగా, దృఢంగా జుట్టు పెరుగుతుంది.. ఈ నూనె కు కావలసిన పదార్థాలు.. తయారు చేసుకునే విధానం ఇలా ఉన్నాయి..
ముందుగా 5 ఉసిరి కాయలను తీసుకొని అందులో గింజలను తీసేసి ముద్దగా నూరుకోవాలి. ఇప్పుడు ఒక బండి తీసుకుని అందులో ఉసిరి కాయ పేస్ట్, గుప్పెడు కరివేపాకు ఆకులు, గుప్పెడు గోరింటాకు ఆకులు, గుప్పెడు మందారం ఆకులు, 100 గ్రాములు మెంతులు, 100 గ్రాముల గుంటగలగరాకు పొడి, రెండు చెంచాలా కలోంజీ విత్తనాలు, 500 గ్రాముల కొబ్బరి నూనె వేయాలి. వీటన్నింటినీ ఒకసారి కలుపుకోవాలి. ఇప్పుడు స్టవ్ అన్ చేసి బాగా మరిగించాలి. ఈ నూనె నలుపు రంగులోకి వచ్చేంతవరకు మరిగిన తరువాత చల్లారనివ్వాలి. ఈ నెలలో ఒక పలచని వస్త్రంలో పోసి వడపోసుకోవలి. ఇలా తయారుచేసుకున్న నూనెను ఒక గాజు సీసాలో నిల్వ ఉండేలా భద్రపరుచుకోవాలి.
ఇలా తయారుచేసుకున్న నూనెను ప్రతిరోజు తలకు రాసుకోవాలి లేదు అంటే మీరు తలస్నానం చేసే రెండు గంటల ముందు తలకు పట్టించి ఆ తర్వాత తల స్నానం చేయాలి. ఇందులో ఉపయోగించిన అన్ని పదార్థాలలో ఔషధ గుణాలు కలిగి ఉంటాయి ఇవి జుట్టును ఆరోగ్యంగా ఉంచుతాయి. కేశసంపదని పెంచుతాయి. జుట్టు ఊడిపోకుండా, రాలకుండా, చివరలు చిట్లిపోకుండా చేస్తాయి. డ్యామేజ్ హెయిర్ ను రిపేర్ చేసి ఒత్తుగా, బలంగా పెరిగేలా చేస్తాయి.