దావత్ లకు వెళ్లినా కాని, ఫ్రెండ్స్ తో పార్టీ వెళ్లినా గాని మనకు ముందుగా గుర్తొచ్చేది బిర్యాని. అబ్బా బిర్యాని అనగానే చాలా మందికి వారి ముందు బిర్యానీని ఊహించేసుకుంటారు. చికెన్ బిర్యానీకున్న ప్రముఖ్యతను ప్రత్యేకంగా చెప్పాల్సిన పనిలేదు. ప్లేట్ పక్కా లాగించాల్సిందేనని పట్టు పడుతుంటారు. బిర్యాని ప్రియులు వారానికోసారైనా దానిని టేస్ట్ ను తప్పకచూడాల్సిందేనని అనుకుంటారు.
ఈ బిర్యానీలు కూడా రకరకాల టేస్ట్ ల రూపంలో బిర్యాని ప్రియులకు రుచి చూపించడానికి అందుబాటులోకి వచ్చాయి. రకరకాల ఫ్లేవర్ లతో బిర్యానీలు అందుబాటులోకి వచ్చాయి. మరీ ముఖ్యంగా ప్రాంతాలను బట్టి బిర్యాని టేస్ట్ లు కూడా మారుతూ ఉంటాయి. సాధారణంగా మనదగ్గర అందుబాటులో ఉండే బిర్యానీలు.. కల్నవి బిర్యానీ, హైదరాబాదీ బిర్యానీ, కశ్నీరీ బిర్యానీ, అవధి బిర్యానీ, మురదాబాదీ బిర్యానీ, అస్సామీ కంపూరీ బిర్యానీ, కోల్ కత్తా బిర్యానీలకు ఎక్కువగా ప్రాముఖ్యత ఉందని చెప్పుకోవచ్చు.
కాగా ఈ బిర్యానీలలో వాడే వివిధ రకాల పదార్థాల వల్ల అనేక రకాల ప్రయోజనాలు ఉన్నాయని నిపుణులు తెలుపుతున్నారు. మరీ ముఖ్యంగా చికెన్, మటన్, రొయ్యలతో చేసిన బిర్యానీల వల్ల శరీరానికి మంచి పోషకాలు అందిస్తాయని కొందరు చెబుతున్నారు. కాగా ఈ బిర్యానీకి ఉపయోగించే మసాలాలు, బియ్యం ప్రత్యేకమైనవని చెప్పుకోవచ్చు. వీటి మూలంగానే బిర్యానీకి మరింత టేస్ట్ వస్తుందని చెప్పుకోవడంలో ఎలాంటి సందేహం లేదు.
అలాగే బిర్యానీలో వాడే సుగంధ ద్రవ్యాల మూలంగా అనేక రకాల పోషకాలు లభిస్తాయి. వీటిలో జీలకర్ర, వెల్లుల్లి, అల్లం, కుంకుమపువ్వు, పసుపు, నల్ల మిరియాలు, పుదీనా ఆకులు వంటి సుగంద ద్రవ్యాల వలన శరీరానికి మంచి పోషకాలు లభిస్తాయి. అలాగే ఈ మసాల దినుసుల మిశ్రమం జీర్ణ శక్తిని మెరుగుపరుస్తుంది. అలా అని ఎక్కువ కేలరీలకు మించి తీసుకోకూడదు. అలా ఒకవేళ తిన్నట్టయితే దాని కోసం వాకింగ్ చేయాలి. బిర్యానీని ఆస్వాదిస్తూ శరీరానికి కేలరీలు కూడా అందించండి మరి.
