చాలామంది మగవారిలో ఏవేవో కారణాల వల్ల బట్టతల వస్తుంటుంది. ఈ సమస్య రాగానే చాలామంది సిగ్గుపడుతూ ఏదో తప్పు చేసినట్టు సాధ్యమైనంత వరకు ఎదుటివారి కంట పడకుండా తప్పించుకుంటూ ఉంటారు. బట్టతల ఉంటే దాక్కోవాల్సిన అవసరం అసలు ఎంతమాత్రం లేదు. ఆ విషయానికి ప్రాధాన్యత ఇవ్వకుండా ఆత్మవిశ్వాసం తో అందరి ముందుకు వచ్చి మీరేంటో తెలియనివ్వండి.
బట్టతల ఉన్నంత మాత్రాన ఇంట్లో కూర్చోవడం వలన సమస్య తీరిపోదు. ప్రపంచంలో బట్టతల ఉన్న చాలామంది ఎన్నో సాధించారు. వారి లా మీరు కూడా ఆత్మస్థైర్యంతో ముందుకెళ్లాలి. అంతేకానీ.. వేలకు వేలు ఖర్చుపెట్టి కృత్రిమ మెరుగులు దిద్దుకోవాలిసిన అవసరం లేదు.
మన భారత దేశానికి స్వతంత్రం సాధించిన గాంధీ జీ కి కూడా బట్టతల ఉంది. రష్యన్ లీడర్స్ మైఖేల్ గోర్బచవ్, శాస్త్రవేత్త చార్లెస్ డార్విన్ వంటి వారంతా బట్టతల కలిగినవారె. వీరంతా తమకు బట్ట తల ఉందని బాధపడుతూ ఇంట్లో కూర్చోలేదు. వారి వారి రంగాల్లో ముందుకు సాగి ఎంతో మందికి ఆదర్శంగా ఉన్నారు .
బట్టతల ఉన్నవారు భాగ్యవంతులు అని సామెత ఉంది.. దానికి తోడుగా బాల్డ్హెడ్ ఉంటే భయపడాల్సిన అవసరం లేదు అంటూ ముందుకెళ్లండి.. బట్టతల వచ్చిందని ట్రీట్మెంట్ తీసుకుంటే అనుకోని ఆరోగ్య సమస్యలకు దారి తీస్తుంది. ఒత్తైన జుట్టు కోసం పురుషులు వాడే మందులు వారి లైంగిక జీవితాన్ని నాశనం చేస్తున్నాయట. ఈ విషయం ఓ అధ్యయనంలో బయట పడింది.
బట్టతల కలిగిన మగాళ్లే స్త్రీల ను ఎక్కువగా ఆకర్షిస్తారని చెబుతారు. బట్టతల వచ్చిందని ఆందోళన చెందకండి. తలపై జుట్టు లేదని సిగ్గు పడకండి .. జుట్టు లేకపోయినా ఎవర్నయినా తేలికగా ఆకర్షించ వచ్చని తెలుసుకోండి. ఎంతమందిలో ఉన్నా మీ కంటూ ప్రత్యేక గుర్తింపు ఉంటుందని మరువకండ. జుట్టు ఊడిపోతుందని ఆందోళన పక్కన పెట్టేసి.. క్లీన్ హెడ్ షేవ్ తో అందరిని ఆకర్షించే ప్రయత్నం చేయవచ్చు..కాబట్టి అనవసరమైన మానసిక ఆందోళన పెట్టుకోకుండా సంతోషం గా ఉండండి.
Disclaimer : పైన సూచించిన ఆరోగ్య సూత్రాలు, లేదా హెల్త్ కి సంబంధించిన ఇన్ఫోర్మేషన్ ఇంటర్నెట్ నుంచి తీసుకున్నది మాత్రమే. అవన్నీ పాటించే ముందర తప్పనిసరిగా స్పెషలిస్ట్ డాక్టర్ సలహా తీసుకోండి.