IND vs ENG : మామూలుగా క్రికెట్ పుట్టింది ఇంగ్లాండ్ లో అయినప్పటికీ వారు ప్రపంచ కప్ కొట్టడానికి ఎన్నో దశాబ్దాలు వేచి ఉండాల్సి వచ్చింది. 2019 లో జరిగిన ప్రపంచ కప్ గెలవడం ద్వారా వారు మొదటి సారి వరల్డ్ కప్ కొట్టారు. అయితే అప్పటినుండి ఇంగ్లాండ్ క్రికెట్ జట్టు ప్రస్థానం మొదలు కాలేదు. దానికి ఐదేళ్ళ ముందు నుండే వారు ఎంతో శ్రద్ధ పెట్టి ఒక బలమైన టీం ను తయారు చేశారు.
ప్రస్తుతం ఇంగ్లాండ్ రెండు టీమ్ లుగా విడిపోయి ప్రపంచంలో ఏ జట్టుని అయినా ఓడించగల సత్తా ఉన్న దేశంగా ఆవిర్భవించింది. ప్రస్తుతం మనం ఇంగ్లాండ్ టీ-20 జట్టు ను తీసుకుంటే అందులో పది మంది పేర్లు సమర్థవంతంగా బ్యాటింగ్ ఆడగలరు. వారిలో ఏడుగురు ఆల్రౌండర్ లు. ప్రతి ఒక్కరూ నాలుగు ఓవర్ల ను సమర్ధవంతంగా వేయగల బౌలర్లు కావడం విశేషం.
కాబట్టి కెప్టెన్ ఇయాన్ మోర్గాన్ కి పరిస్థితికి తగ్గట్టు తనకు కావాల్సిన బౌలర్ కి బంతిని ఇవ్వగల వెసులుబాటు ఉంది. ఫలితం కూడా అలాగే వస్తుంది. ఎటువంటి బౌలర్ ని అయినా హిట్టింగ్ చేయగల భీకర బ్యాట్స్మెన్ వారి సొంతం. వారిలో బట్లర్, రాయ్, స్టోక్స్, మోర్గాన్ వంటి వారు ముందు ఉంటారు. తామేమీ తక్కువ కాదు అన్నట్లు మిగిలిన వారు కూడా అదే రేంజ్ లో రెచ్చిపోతారు.
ప్రపంచంలోనే అత్యుత్తమ బ్యాట్స్మన్ అయిన జో రూట్ కూడా టి20 జట్టులో స్థానం సంపాదించలేకపోయాడు అంటే వారి జట్టులోనే పవర్ హిట్టింగ్ కోసం పోటీ ఎంతలా ఉంది అనేది అర్థం చేసుకోవచ్చు. ఇక ఆ జట్టుకి మిగిలిన వాటికి పెద్ద తేడా, వారికి ప్రధాన బలం ఆల్రౌండర్లే. ఈ ప్లస్ పాయింట్లు అన్నీ మరి కొద్ది నెలల్లో జరగబోయే టి20 ప్రపంచ కప్ లో హాట్ ఫేవరేట్గా బరిలోకి నిలపనుంది.