Nandamuri Balakrishna – Mansoor: ప్రముఖ నటుడు, టీడీపీ ఎమ్మెల్యే నందమూరి బాలకృష్ణ పై కోలీవుడ్ కు చెందిన సీనియర్ నటి విచిత్ర చేసిన వ్యాఖ్యలు ఒక వైపు చిత్ర పరిశ్రమలో, మరో పక్క రాజకీయ వర్గాల్లో తీవ్ర దుమారాన్ని రేపుతున్న సంగతి తెలిసిందే. ఈ వివాదం మరువకముందే కోలీవుడ్ నటుడు మన్సూర్ ఆలీఖాన్ .. నటి త్రిష గురించి చేసిన వ్యాఖ్యలతో వివాదంలో చిక్కుకున్నారు. త్రిషపై చేసిన వ్యాఖ్యలకు క్షమాపణ చెప్పనని మన్సూర్ ఆలీఖాన్ అనడంతో జాతీయ మహిళా కమిషన్ సభ్యురాలు, నటి ఖుష్బూ తీవ్రంగా స్పందించారు. త్రిషపై మన్సూర్ చేసిన వ్యాఖ్యలను తీవ్రంగా పరిగణించిన జాతీయ మహిళా కమిషన్ సుమోటోగా స్వీకరించింది. మన్సూర్ పై కేసు నమోదు చేయాలని తమిళనాడు పోలీసులకు ఆదేశాలు జారీ చేయడంతో చెన్నై పోలీసులు కేసు నమోదు చేశారు. చెన్నై లోని థౌజండ్ లైట్స్ పోలీసులు మన్సూర్ కు సమన్సు జారీ చేశారు. గురువారం తమ విచారణకు హజరు కావాలని ఆదేశించారు.
అయితే ఈ రెండు ఎప్పుడో జరిగిన ఘటనలను ఇప్పుడు ప్రస్తావించడం వివాదాలకు కారణమైయ్యాయి. ఇటీవల తమిళ బిగ్ బాస్ సీజన్ సెవెన్ షో లో సీనియర్ నటి విచిత్ర ఇండస్ట్రీలో తాను ఎదుర్కొన్న సమస్యల గురించి మాట్లాడుతూ 2001 లో భలేవాడివి బాసు సినిమా షూటింగ్ సమయంలో హీరోతో లైంగిక వేధింపులు ఎదుర్కొన్నట్లుగా చెప్పడం రెండు తెలుగు రాష్ట్ర రాజకీయ వర్గాల్లో, సినీ ఇండస్ట్రీలో పెను దుమారం రేపుతున్నాయి. బాలయ్య గతంలో మహిళలను ఉద్దేశించి అభ్యంతరకరమైన వ్యాఖ్యలు చేశారన్న విమర్శలు ఉన్నాయి. తాజాగా నటి విచిత్ర తాను గతంలో ఎదుర్కొన్న సమస్యను ఇప్పుడు వివరించడంతో అటు సినీ, ఇటు రాజకీయ వర్గాల్లో బాలయ్య వ్యతిరేకులకు మంచి స్టఫ్ వచ్చినట్లు అయ్యింది. ఈ వివాదం నేపథ్యంలో అంతర్జాతీయ ఓటీటీ సంస్థలు బాలయ్య సినిమాలను బాయ్ కాట్ చేసే అవకాశం ఉందంటూ కూడా ప్రచారం జరుగుతోంది.
ఈ వ్యవహరం ఇదిలా ఉండగా, మన్సూర్ కూడా ఇటీవల ఓ ఇంటర్వ్యూలో త్రిషతో ఓ సన్నివేశంలో యాక్ట్ చేయడంపై అభ్యంతరకర వ్యాఖ్యలు చేసి వివాదంలో ఇరుక్కున్నారు. కేరీర్ ఆరంభం నుండి ఇప్పటి వరకూ తాను ఎన్నో రేప్ సీన్స్ లో నటించాననీ, లియోలో ఆఫర్ వచ్చిన సమయంలో త్రిషతోనూ అలాంటి సీన్ చేసే అవకాశం ఉందనుకున్నానని అలా లేకపోవడం తనను ఎంతో బాధించిందని అన్నారు. మన్సూర్ వ్యాఖ్యలపై ఆగ్రహం వ్యక్తం చేసిన కుష్పూ .. సినిమాలో పోషించిన పాత్రలనే నిజ జీవితంలోనూ మన్సూర్ ఫాలో అవుతున్నట్లు ఉన్నారని, ఆయనను చూస్తుంటే సిగ్గుగా అనిపిస్తొందని వ్యాఖ్యానించారు. ఇద్దరు నటుల వివాదం ఇప్పుడు హాట్ టాపిక్ మారింది.
Rahul Gandhi: ప్రధాని మోడీపై అభ్యంతరకర వ్యాఖ్యలు – రాహుల్ గాంధీకి నోటీసులు ఇచ్చిన ఈసీ
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!