బిగ్ బాస్ సీజన్ 4.. ప్రారంభమైనప్పుడు అసలు ఈ సీజన్ హిట్ అవుతుందా? కంటెస్టెంట్లు ఎవరో తెలియదు? వాళ్లలో ఈజ్ లేదు. ఎవ్వరూ సరిగ్గా ఆడటం లేదు. ఈసారి సీజర్ ఫ్లాపే అని అంతా అనుకున్నారు. కానీ.. సీన్ రివర్స్ అయింది. రెండు వారాలు దాటగానే బిగ్ బాస్ హౌస్ లో ఆసక్తికరమైన ఘటనలు చోటు చేసుకోవడం.. అవి ప్రేక్షకులను అలరించడంతో ఈ షో ఒక్కసారిగా టీఆర్పీలో దూసుకుపోతోంది.
ట్రయాంగిల్ లవ్ స్టోరీ కానీ.. మరో రెండు మూడు ప్రేమ జంటలు కానీ.. గంగవ్వ కానీ.. సొహైల్ కోపం కానీ.. ఇలా ప్రతి ఒక్క కంటెస్టెంట్ వల్ల అంతో ఇంతో ఫన్ జనరేట్ అవుతోంది. మరోవైపు హోస్ట్ నాగార్జున కూడా శనివారం, ఆదివారం షోను ఎక్కడికో తీసుకుపోతున్నారు.
మూడో సీజన్ సూపర్ సక్సెస్ అయిందంటే దానికి ప్రధాన కారణం నాగార్జున అనే చెప్పాలి. మొదటి సీజన్ లో హోస్ట్ గా చేసి జూనియర్ ఎన్టీఆర్ బాగానే మెప్పించారు. ఆ తర్వాత నాని కూడా పర్లేదనిపించారు. కానీ.. నాగార్జున మాత్రం షోను ఓన్ చేసుకున్నారు. మూడో సీజన్ కన్నా 4 సీజన్ లో నాగ్.. హోస్ట్ గా వ్యవహరిస్తున్న తీరు సూపర్బ్ గా ఉంటోంది. దీంతో శనివారం, ఆదివారం ప్రేక్షకులు అయితే బిగ్ బాస్ షో కోసం ఆతృతగా ఎదురు చూస్తున్నారు.
అంతవరకు బాగానే ఉంది కానీ.. నాగ్ త్వరలో బిగ్ బాస్ షో కు కొన్ని రోజులు బై బై చెప్పాల్సిన సమయం వచ్చిందట. దానికి కారణం ఆయన సినిమా షూటింగ్ అంట. నాగ్ ప్రస్తుతం ఓ సినిమాకు సైన్ చేశారట. ఆ సినిమా షూటింగ్ కోసం ఫారిన్ కు 20 రోజులు వెళ్లాల్సి ఉంటుందట. 20 రోజులు అంటే రెండు వీకెండ్స్ లో నాగ్ హోస్ట్ గా రారన్నమాట.
మూడో సీజన్ లోనూ తన బర్త్ డే వేడుకల కోసం నాగ్.. ఓ వారం రాలేదు. అప్పుడు రమ్యకృష్ణను హోస్ట్ గా తీసుకున్నారు. మరి.. ఈసారి నాగ్ రాకపోతే ఎవ్వరిని తీసుకోవాలని.. అని తెగ ఆలోచిస్తున్నారట బిగ్ బాస్ నిర్వాహకులు. ఎవరో ఎందుకు.. ఇప్పటికే హోస్ట్ గా చేసిన నానినే తీసుకుందాం అని బిగ్ బాస్ యాజమాన్యం ఆలోచిస్తున్నట్టు తెలుస్తోంది.
ఇప్పటికే నానితో ఈ విషయం గురించి బిగ్ బాస్ యాజమాన్యం చర్చించిందట. నాని ఓకే అంటే మరోసారి నానిని ఓ రెండు వారాల పాటు బిగ్ బాస్ హోస్ట్ గా చూడనున్నామన్నమాట.
