ఈ జనరేషన్ లో వాట్సప్ అంటే తెలియని వాళ్లు ఉండరు అంటే అతిశయోక్తి కాదు. స్మార్ట్ ఫోన్ ఉపయోగిస్తున్న ప్రతి ఒక్కరికి సుపరిచితమైన పేరు వాట్సప్. అది లేనిదే రోజు గడవదు. ఎవరికైనా ఏదైనా చెప్పాలన్నా.. ఒక్క మెసేజ్ చేస్తే చాలు… క్షణాల్లో వాళ్లకు చేరుతుంది.
వాట్సప్ ను ప్రముఖ సోషల్ మీడియా నెట్ వర్క్ ఫేస్ బుక్ ఓన్ చేసుకున్న సంగతి తెలిసిందే. అప్పటి వరకు బేసిక్ ఫీచర్స్ ఉన్న వాట్సప్ లో ఫేస్ బుక్ తీసుకున్న తర్వాత ఫీచర్స్ పెరిగాయి. వాట్సప్ నుంచి సరికొత్త ఫీచర్స్ అందుబాటులోకి వచ్చాయి.
ఇప్పటికే అద్భుతమైన ఫీచర్లను అందుబాటులోకి తీసుకొచ్చిన వాట్సప్ మరిన్ని ఫీచర్స్ త్వరలో తీసుకురానున్నదట. ఇటీవలే.. పర్సనల్ మెసేజ్ లు వేరేవాళ్లు చూడకుండా… యాప్ లో ఫింగర్ ప్రింట్ లాక్ ఫీచర్ ను వాట్సప్ తీసుకొచ్చిన సంగతి తెలిసిందే. అయితే.. అది ప్రస్తుతం మొబైల్ కు మాత్రమే ఉండేది. త్వరలో దాన్న వాట్సప్ వెబ్ యూజర్లకు కూడా అందుబాటులోకి తీసుకురానున్నది వాట్సప్.
త్వరలో రానున్న బీటా వర్షన్ లో మరిన్ని ఫీచర్లు రానున్నాయి. వీడియో కాలింగ్ సమయంలో… గ్రూప్ కాలింగ్ చేసినా.. పర్సనల్ కాలింగ్ చేసినా.. వేర్వేరు రింగ్ టోన్స్ పెట్టుకునేలా ఫీచర్ ను తీసుకురానుంది. గ్రూప్ కాలింగ్ కు ఒక రింగ్ టోన్, పర్సనల్ కాలింగ్ కు వేరే రింగ్ టోన్ పెట్టుకుంటే… వాట్సప్ వచ్చే వీడియో కాల్ ను రింగ్ టోన్ ద్వారా గుర్తించే అవకాశం ఉంటుంది.
ఇక నుంచి ఆండ్రాయిడ్ వెర్షన్ లో కూడా డూడుల్స్ అందుబాటులోకి రానున్నాయి. ప్రస్తుతం డూడుల్స్ వెబ్ వర్షన్ కు మాత్రమే అందుబాటులో ఉన్నాయి. బ్యాక్ గ్రౌండ్ డూడుల్స్ యాప్ లోనే యూజర్లకు అందుబాటులోకి రానున్నాయి. అలాగే యానిమేటెడ్ స్టిక్కర్స్ ఫీచర్, యూజర్ ఇంటర్ ఫేస్ లో మార్పులు చేయనుంది వాట్సప్.