దాదాపు పదిహేను వారాలకు పైగా తెలుగు టెలివిజన్ ప్రేక్షకులను అలరించింది బిగ్ బాస్ రియాల్టీ షో. 16 మంది కంటెస్టెంట్ లు 3 వైల్డ్ కార్డు ఎంట్రీ ల తో కలిపి మొత్తం 19 మంది పాల్గొనగా చివరాకరికి టైటిల్ అభిజిత్ గెలవడం జరిగింది. అయితే హౌస్లో ముందునుండి అభిజిత్ ఓటింగ్ పరంగా తన గ్రాఫ్ పెంచుకుంటూనే పోతున్నాడు.
ఈ నేపథ్యంలో గ్రాండ్ ఫినాలే ఎపిసోడ్ నాటికి చివరి వారంలో అభిజిత్ ఎనిమిది కోట్లకు పైగానే ఓట్లను రాబట్టినట్లు వార్తలు వచ్చాయి. అయితే అంతా బాగానే ఉన్న గ్రాండ్ ఫినాలే రోజు మాత్రం చిరంజీవి ఎంట్రీ తో మొత్తం ఫోకస్ అంతా ఆయన పైన పడినట్లు అయిందని షో అయిపోయిన తర్వాత సోషల్ మీడియాలో బిగ్ బాస్ ఆడియన్స్ నెటిజన్లు చెప్పుకుంటున్నారు.
ఎవరికీ సాయం చేయాలో అవ్వాలని సహాయం చేస్తూ, ఇండస్ట్రీలో కొత్త వారికి ఇలాంటి షోల ద్వారా అవకాశాలు ఇస్తూ మెగాస్టార్ చిరంజీవి మరోసారి తన లో ఉన్న మంచితనాన్ని బయటపెట్టారని పేర్కొంటున్నారు. అంతమాత్రమే కాకుండా అదిరిపోయే కామెడీ డైలాగులతో టైమింగ్ తో బిగ్ బాస్ హౌస్ లో చివరి రోజు చిరంజీవి చాలా హైలెట్ అయ్యారని అందరూ చెప్పుకొస్తున్నారు. ఏకంగా సోహెల్ హీరోగా నటిస్తే అతని సినిమాలో చిన్న రోల్ చేస్తానని లెజెండ్ లాంటి వ్యక్తిత్వం ఉన్న చిరంజీవి ఆ మాట అనటం చాలా గ్రేట్ అని నిజంగా ఇండస్ట్రీకి పెద్దరికంగా చిరంజీవి చాలా బాధ్యతాయుతంగా రాణిస్తున్నారని చెప్పుకొస్తున్నారు.