ప్రపంచంలోనే నెంబర్ 1 ఓటీటీ ప్లాట్ ఫాం అయిన Netflix ఇపుడు తన అభిమానుల కోసం బంపర్ ఆఫర్ ప్రకటించింది. ఇండియా లో రెండు రోజుల పాటు ఫ్రీ యాక్సెస్ ను తన అభిమానులకు కల్పించనున్నది Netflix. ఇప్పటివరకు యాప్ సబ్స్క్రిప్షన్ ఉన్న వారు మాత్రమే సినిమాలను, సిరీస్ లను చూసేందుకు యాక్సెస్ ఉంది అంటే కార్డు డిటెయిల్స్ అందించిన వారికి మాత్రమే యాక్సిస్ ఉంటుంది.
కానీ ఇపుడు మాత్రం రెండు రోజులు ఎటువంటి కార్డు డీటెయిల్స్ ఇవ్వకపోయినా ఉచితంగా యాక్సెస్ కల్పిస్తుంది. ఆ 48 గంటల పాటు యాక్సిస్ తీసుకున్న వాళ్ళు తమకు నచ్చిన వీడియో, వెబ్ సిరీస్, సినిమా, లైవ్ షో ఇలా ఏదైనా చూడొచ్చు. దీనిని Netflix Streamfest అని ప్రవేశపెట్టనున్నారు. ఈ ఆఫర్ డిసెంబర్ 5, 6 తేదీల్లో మాత్రమే, ఆ తరువాత వర్తించదు. యాక్సిస్ కావాలి అనుకునే వారు తమ పేరు, ఈమెయిల్ ఐడీ తో సైన్ ఇన్ అయ్యి ఒక పాస్ వర్డ్ సెట్ చేసుకోవాలి.
ఆ తర్వాత ఇక 48 గంటల పాటు మీకు నచ్చిన సినిమాలను, సిరీస్ లు ఏవైనా చూసుకోవచ్చు. ఏవో కొన్ని నియమిత వెబ్ సిరీస్లు, సినిమాలు, షోలకు మాత్రమే ఈ ఆఫర్ పరిమితం కాదు. NetFlix లోని ఏదైనా వీక్షించవచ్చు. యాక్సిస్ తీసుకున్న వారు యాప్ ద్వారా స్మార్ట్ టీవీ, ఐఓఎస్, ఆండ్రాయిడ్ యాప్స్తోపాటు పర్సనల్ కంప్యూటర్లో కూడా చూడవచ్చు. కానీ, స్ట్రీమింగ్ క్వాలిటీ మాత్రం HD లో కాకుండా SDలో ఉంటుంది.