ఏ భాషనుంచైనా సరే.. వర్తమాన కథానాయికల్ని ఓ పదిమందిని ఎంచుకోండి. మీకు ఇష్టమైన కథానాయిక ఎవరు? అని అడిగిచూడండి. అందులో సింహభాగం కాజోల్ పేరే చెబుతారు. కథనాయికలే కాదు.. సగటు ప్రేక్షకుడిది కూడా అదేమాట. అమాయకమైన మోము. చటుక్కున ఆకర్షించేసే కళ్లు. స్వచ్చమైన నవ్వు… ఇలా చూసిన కొద్దీ చూడాలనిపించే అందం ఆమెది. కథానాయకుడు ఎవరైనా సరే..వారి పక్కన చక్కగా ఇమిడిపోయే రూపురేఖలు. కేవలం అందంలోనే కాదు.. నటనలోనూ ఆమెకి తిరుగులేదు. పెళ్లికి ముందు ఎలా ఉందో..నేటికీ అదే అందం, అంతే హుషారు.. సోషల్ మీడియాలో సందడి చేసే కాజోల్ తాజా పోస్ట్ ఆమె ఫ్యాన్స్ లో ఉత్కంఠ రేపుతోంది..!
గతంలో కాజోల్ స్టేజ్ పర్ఫార్మెన్స్ ఇస్తుండగా ఫ్యాన్స్ ఎంజాయ్ చేస్తున్న ఫోటోను ఆమె సోషల్ మీడియాలో పంచుకున్నారు.. ఆమె ఆ రోజులు “మిస్ అవుతున్నాను” అని కామెంట్ చేసింది..ఈ విషయాన్ని తలుచుకుంటూ కాజోల్ బాధపడ్డారు. తన వేదనను సోషల్ మీడియా ద్వారా తెలియజేసింది. వేల మంది ప్రేక్షకుల మధ్య తను లైవ్ డాన్స్ ప్రోగ్రాం ఇస్తున్నా ఫోటో సోషల్ మీడియాలో పోస్ట్ చేసి ఆ రోజులు మిస్ అవుతున్నానని కామెంట్ చేశారు. పదుల సంఖ్యలో డాన్సర్స్ ఉండగా మిరుమిట్లు గొలిపే కాంతుల మధ్య స్టేజ్ పర్ఫార్మెన్స్ ఇస్తున్నా ప్రోగ్రాం అది.
స్టేజ్ పర్ఫామెన్స్ లు వేలకొలది ఆడియన్స్ సమూహం మధ్యలో ప్రదర్శనలు కోవిడ్ కారణంగా బంద్ అయిన సంగతి తెలిసిందే.. స్టార్ హీరో అజయ్ దేవగన్ వివాహం చేసుకున్న కాజోల్ ఇప్పటికీ వయసుకు తగ్గ పాత్రలు చేస్తున్నారు.ఇటీవల విడుదలైన భారీ పీరియాడిక్ మూవీ తన్హాజి లో కాజోల్ ఓ కీలక రోల్ చేశారు. అలాగే ఆమె నటించిన త్రిభంగ ఓటిటి దిగ్గజం నెట్ ఫ్లిక్స్ లో విడుదల కానుంది.