ఇటీవల దేశవ్యాప్తంగా జరుగుతున్న పరిణామాల కారణంగా ఫోర్సినిక్ సైన్స్ నిపుణులకు డిమాండ్ ఎక్కువగా ఉంది. హింసాత్మక చర్యలవలన అఘాయిత్యాలూ,అత్యాచారాలూ,దురాగతాలూ జరుగుతున్నాయి. అదే సమయంలో సైనిక శక్తిని కావాలనే గల్లంతు చేయడం, మానవ హననం, బతికుండానే పూడ్చిపెట్టడం, విచక్షణారహితంగా కావాలనే శరీరంపై కొన్ని భాగాల్ని గాయపరచడం, సజీవ దహనం చేయడం అనేకం జరుగుతూ ఉంటాయి. ఒక మనిషిని శిక్షించాలన్నా, రక్షించాలన్నా అతనిపై ఆరోపించబడిన నేరాన్ని న్యాయ , వైద్య సాంకేతికపరమైన పరిధుల్లో నిర్ణయింపగలిగే శాస్త్ర విజ్ఞానం కావాలి’అని ఫ్రెంచ్ మెడికో లీగలిస్ట్ డా పి.సి.హెచ్.బి. బ్రోనార్‌డెల్ అన్నాడు.
ఆ రీతిగా నేర పరిశోధన శాస్త్రం అన్ని ముఖ్యదేశాలలోనూ తన ప్రాధాన్యత సంతరించుకుంది. 20వ శతాబ్దంలో దీని ఆవశ్యకత ఎక్కువగా ఉంది. ఆసక్తి ఉన్న విద్యార్థులు ఈ కోర్సుల్లో చేరి భవిష్యత్తుకు బాటలు వేసుకోవచ్చు.ప్రపంచ వ్యాప్తంగా ఈ ఫోరన్సిక్ సైన్సు పోలీసు శాఖలో అత్యంత ప్రాధాన్యత సంతరించుకుంది. ఒక్కోసారి అది హత్యా, ఆత్మహత్యా, ప్రమాదమా – దానికిగల పూర్వాపరాలను అంచనా వేస్తుంది. కొన్నిసార్లు రుజువుల్ని కూడా ఇవ్వడం జరుగుతుంది. వేషభాషలూ, పుట్టుపూర్వోత్తరాలు అధ్యయనం చేస్తుంది. అంతేగాకుండా మానవుని పురోగతి, శరీర ఒడ్డూ, పొడుగులూ వారి పూర్వీకుల చరిత్రల గురించిచెబుతుంది.ప్రపంచంలో ఒకర్నొకరు పోలి ఉంటారు. ఆ సూక్ష్మ వైరుధ్యాలను. నేర పరిశోధనలో వేలిముద్రలూ, నేరం జరిగిన ప్రదేశంలో లభ్యమైన ఆధారాలూ సేకరించి, నేర నిర్థారణకు న్యాయవాదులకు సరైన మార్గం చూపుతుంది.
అవకాశాలు ఇక్కడ : ప్రభుత్వ, ప్రైవేటు ఏజెన్సీలు, ఆసుపత్రులు, లాబరేటరీల్లో ఉద్యోగాలు లభిస్తాయి. ఎంచుకున్న స్పెషలైజేషన్ పై అవకాశాలు ఆధారపడి ఉంటాయి. కొన్ని కార్పొరేట్ సంస్థలు ఫోర్స్ నిపుణులను డాక్యుమెంట్ రైటర్లు గా నియమించుకుంటున్నాయి. సెంట్రల్ బ్యూరో ఆఫ్ ఇన్వెస్టిగేషన్, ఇంటెలిజెన్స్ బ్యూరో, పోలీస్ శాఖలో ఉద్యోగాలు ఉంటాయి. యాంటీ టెర్రరిస్ట్ ఆపరేషన్, డిజాస్టర్ మేనేజ్మెంట్, సైబర్ క్రైమ్, ఇన్వెస్టిగేషన్ కన్స్యూమర్ ప్రొటెక్షన్ అండ్ ఇంటలెక్చువల్ ప్రాపర్టీ రైట్స్ తదితర విభాగాల్లో కొలువులు పొందవచ్చు.
ఫోరెన్సిక్ సైన్స్ ఆసక్తి ఉన్న విద్యార్థులు ఇంటర్లో మ్యాథ్స్,సైన్స్ విద్యార్థులు బిఏస్సీలో దీన్ని ఒక సబ్జెక్టుగా చదువుకోవచ్చు. అయితే తక్కువ సంఖ్యలో ఈ కోర్సును అందిస్తున్నాయి. కోర్సులు చదివిన వారు పీజీ ఫోరెన్సిక్ సైన్స్ కోర్సులో చేరవచ్చు. జాతీయ స్థాయిలో కొన్ని ప్రత్యేకమైన సంస్థలు ఉన్నాయి. పీజీ అనంతరం పి హెచ్ డి లో చేరవచ్చు స్పెషలైజేషన్లు సైతం ఉన్నాయి. ఎమ్మెస్సీ డిజిటల్ అండ్ ఇన్ఫర్మేషన్ సెక్యూరిటీ, ఎమ్మెస్సీ హోమ్ ల్యాండ్ సెక్యూరిటీ అండ్ యాంటీ టెర్రరిజం, ఎంబీఏ ఫైనాన్స్ , ఎంబీఏ సైబర్, ఎంటెక్ సైబర్ సెక్యూరిటీ అండ్ ఇన్సిడెంట్ రెస్పాన్స్, పిజి డిప్లమా ఫోరెన్సిక్ టాక్సీకాలాజీ, ఫోరెన్సిక్ డాక్యుమెంట్ ఎగ్జామినేషన్, ఫోరెన్సిక్ ఫింగర్ ప్రింట్ సైన్స్, ఫోరెన్సిక్ క్రిమినలాజీ, ఫోరెన్సిక్ మేనేజ్మెంట్, ఫోరెన్సిక్ అకౌంటింగ్, ఫోరెన్సిక్ నర్సింగ్ తదితర కోర్సులు ఉన్నాయి. అభ్యర్థులు వారి ఆసక్తి మేరకు తమకు అనువైన కోర్సులో చేరవచ్చు.