మ‌న చూట్టు జ‌రుగుతున్న, చూస్తున్న వ‌స్తువుల్లో చాలా విష‌యాలు దాగుంటాయి. కానీ ఎప్పుడూ వాటిని తెలుసుకునే ప్ర‌య‌త్నం కానీ.. ఏంట‌ని ఆలోచించే వ్య‌క్తులు కానీ చాలా అరుదు. వీటిని తెలుసుకుంటే మ‌నకేంటి అనుకోవ‌చ్చు.. తెలుసుకోక‌పోతే ఏమొస్తుందో చెప్ప‌లేము కానీ.. తెలుసుకునే ప్ర‌య‌త్నం చేస్తే మాత్రం.. కొత్త విష‌యాలు తెలుస్తాయి. ఇంత చిన్న దానిలో అంత పెద్ద విష‌యం దాగుందా అని ఆశ్చ‌ర్యం వేస్తుంది. అలాంటిదే.. మీ ప్యాంట్ జిప్ ల విశేషాలు.
చాలా ర‌కాల బ్రాండెడ్ ప్యాంటు జిప్‌పై YKK అనే అక్షరాలు ఉంటాయి. మీరెప్పుడైనా దీన్ని గమనించారా ? వేరువేరు బ్రాండ్ల జిప్ లు అయినా కానీ అదే అక్షరాలు ఏందుకుంటాయో మీకు తెలుసా? మ‌రేంప‌ర్లేదు ఇప్పుడు తెలుసుకోండి.
YKK అంటే యొషిదా కొంగ్యో కుబుషికిగైషా (యోషిదా ఇండస్ట్రీస్‌ లిమిటెడ్‌). నోరు తిర‌గ‌డం లేదా..? మ‌రేం ప‌ర్లేదు. మ‌న‌కు దీని గురుంచి తెలియాలి అంతే కాదా.. దీన్ని జపాన్‌కు చెందిన టాడావో యోషిదా 1934లో స్థాపించారు. 71 దేశాల్లో 109 యూనిట్లు ఉన్న ఈ సంస్థ నుంచి ప్రపంచవ్యాప్తంగా 90శాతం జిప్‌లు ఉత్పత్తి అవుతుంటాయి.
ఇది జిప్ ల‌నే కాదు.. జిప్లను తయారు చేసే యంత్రాల‌ను కూడా తయారు చేస్తుంది. జార్జియాలో దీనికి రోజుకు 70 లక్షల జిప్లను ఉత్పత్తి చేసే అతి పెద్ద కంపెనీ కూడా ఉంది. 1966లో ఇప్పుడు మ‌నం వాడే జీన్స్‌ ప్యాంట్లకు ఉండే Y జిప్లను ఈ సంస్థే తయారు చేసింది. ప్యాంటును కుట్టే యంత్రాల్లోనే ఈ జిప్‌ను కుట్టే పరికరాన్నీ అమర్చడంతో వీటి ఉత్పత్తి, అమ్మకాలు భారీగా పెరిగాయి.
ఈ కంప‌నీ 1968లో జపాన్ దేశాన్ని దాటి కెనడాలో తొలిసారి YKK శాఖను ఏర్పాటు చేసింది. క్వాలిటీ జిప్లను తయారు చేస్తుండటంతో మంచి పేరు సంపాధించింది. దీనికి చాలా ఏళ్ల పాటు పోటీనే లేదు. ఇప్పుడు ఈ కంపెనీకి పోటీగా పలు సంస్థలొచ్చాయి. అయినా కానీ ఇప్పటికీ జీన్స్‌ ప్యాంట్ల జిప్‌లు ఈ కంపెనీవే ఉంటాయి. ఇప్పుడు ఈ సంస్థ దుస్తులు, బ్యాగుల‌ను కూడా తయారు చేస్తుంది. ఇది ఈ YKK స‌మాచారం.