పర్సనల్ లోన్ కావాల‌నుకుంటే ఎన్నో నియ‌మాలు.. మ‌రెన్నో నిబంధ‌ల‌ను. ఏ బ్యాంక్ ఈజీగా లోన్ ఇవ్వ‌దు. చెప్పులు అరిగేలా తిరిగితే త‌ప్ప పర్సనల్ లోన్ దొర‌క‌దు కాదా..! అదే బైక్ లోన్, హోమ్ లోన్ తీసుకోవాలంటే ఇన్ని రిస్టిక్ష‌న్స్ ఉండ‌వు. కానీ ఒక బ్యాంక్ ఇప్పుడు ఈజీగా పర్సనల్ లోన్ ఇచ్చేందుకు సిద్దం అయ్యింది. మీకు గానీ పర్సనల్ లోన్ కావాలంటే ఈ బ్యాంకు కు ఒక సారి వెళ్లిరండి. వడ్డీ రేటు కూడా త‌క్కువే..
ఇంత‌కీ పర్సనల్ లోన్ ఈజీగా ఇచ్చే బ్యాంకు ఏంటో చెప్ప‌లేదు క‌దూ.. ఆ బ్యాంకే.. యాక్సిక్ బ్యాంకు. అస‌లు బ్యాంకుకు కూడా వెళ్ల‌కుండా ఆన్ లైన్ లోనే పర్సనల్ లోన్ అప్లై చేసుకునే వ‌స‌తిని కూడా క‌ల్పిస్తోంది ఈ బ్యాంకు. అదిరిపోయే ఆఫ‌ర్ల‌తో ఇప్ప‌టికే ప‌లు లోన్ల‌ను తీసుకొచ్చింది. అయితే ఇక పర్సనల్ లోన్ విష‌యానికి వ‌స్తే.. వడ్డీ రేటు కూడా త‌క్కువ‌కే అందిస్తోంది ఈ బ్యాంకు.
ప్రైవేట్ రంగానికి చెందిన ఈ బ్యాంక్ పండుగ సీజన్ లో తక్కువ వడ్డీకే ప‌లు రుణాల‌ను ఆఫర్ చేస్తోంది. యాక్సిస్ బ్యాంక్ నుంచి పర్సనల్ లోన్ తీసుకోవాల‌నుకుంటే వడ్డీ రేటు 10.49% నుంచి స్టార్ట్ అవుతుంది. పర్సనల్ లోన్ కింద రూ.15 లక్షల వరకు తీసుకోవ‌చ్చు. అయితే లోన్ కనీసం రూ.50 వేల‌యినా తీసుకోవ‌ల‌సి ఉంటుంది. తీసుకున్న లోన్ మెత్తాన్ని ఏడాది నుంచి 5 ఏళ్ల లోపు తిరిగి చెల్లించాల్సి ఉంటుంది. అయితే ఈ లోన్ మీరు తీసుకోవాల‌ను కుంటే బ్యాంకు కు కూడా వెళ్లాల్సిన ప‌ని లేదు. యాక్సిస్ బ్యాంకు వెబ్ సైట్ లో పర్సనల్ లోన్ అనే బ‌ట‌న్ ను క్లిక్ చేస్తే అన్ని విష‌యాలు మీకే అర్థ‌మ‌వుతాయి.
పండుగ సీజన్ లో ప‌లు బ్యాంకులు ప‌లు ఆఫ‌ర్ల‌తో క‌స్ట‌మ‌ర్ల‌ను ఆక‌ర్శించే సంగ‌తి తెలిసిందే. అయితే ఏ బ్యాంకు ఎంత లోన్ ఇస్తుంది. దానికి ఎంత వడ్డీ అనే విష‌యాల‌ను చూసుకోవ‌ల‌సిన అవ‌స‌రం లోన్ తీసుకునే వ్య‌క్తి ఆలోచించాల్సి ఉంటుంది. వడ్డీ రేటు ఎక్కువగా ఉంటే తీసుకున్నాక ఎందుకు తీసుకున్నారా దేవుడా అనుకునే కంటే ముందే.. మ‌న‌కు ఆ లోన్ సెట్ అవుత‌దా లేదా అని ఒక‌టికి రెండు సార్లు ఆలోచించి నిర్ణ‌యం తీసుకోవాల‌ని ప‌లువురు నిపుణులు చెబుతుంటారు. ఈ విష‌యాల‌ను దృష్టిలో పెట్టుకుని మీరు కూడా వ్య‌వ‌హ‌రిస్తార‌ని కోరుకుంటున్నాం.