Virat anushka: ప్రముఖ ఇండియన్ క్రికెటర్ విరాట్ కోహ్లీ , బాలీవుడ్ హీరోయిన్ అనుష్క శర్మ దంపతులు గత జనవరి 11న ఓ పండంటి ఆడబిడ్డకు జన్మనిచ్చిన సంగతి మనకు తెలిసిందే. అయితే సోషల్ మీడియాలో ఎప్పుడు ఎంతో యాక్టివ్ గా ఉండి తమ వ్యక్తిగత విషయాల గురించి ఎప్పుడూ అభిమానులతో పంచుకునే ఈ జంట తమ కూతురి విషయంలో తగిన జాగ్రత్తలు తీసుకున్నారు. తన కూతురు పుట్టి దాదాపు 20 రోజులు అవుతున్నా ఇంతవరకు పాప కు సంబంధించిన ఒక్క ఫోటో కూడా అభిమానులతో పంచుకోలేదు. తాజాగా ఈ జంట తన కూతురు తో కలిసి దిగిన ఫోటోలు సోషల్ మీడియా ద్వారా షేర్ చేశారు. ప్రస్తుతం ఈ ఫోటో సోషల్ మీడియాలో వైరల్ గా మారింది.
విరుష్క జంట తమ పాప ఫోటోలు విడుదల చేయడమే కాకుండా తన గారాలపట్టికి నామకరణం కూడా చేశారు. విరాట్ కోహ్లీ, అనుష్క పేర్లను కలుస్తూ వచ్చే విధంగా తన కూతురుకు” వామిక” అని నామకరణం చేశారు. ఈ సందర్భంగా దిగిన ఫోటోలు సోషల్ మీడియాలో షేర్ చేస్తూ” మేమిద్దరం ఎప్పుడు ఎంతో సంతోషంగా, ప్రేమ, జీవించాము. అయితే వామిక ఆ ప్రేమ ఆప్యాయతలను మరో స్థాయికి తీసుకెళ్లింది కొన్నిసార్లు సుఖసంతోషాలు, కన్నీళ్ళు వంటి భావోద్వేగాన్ని నిమిషాల వ్యవధిలో అనుభవించేలా చేసింది అంటూ ఈ ఫోటోలు పోస్ట్ చేశారు.
ఈ విధంగా అనుష్క శర్మ విరాట్ కోహ్లీ ఇద్దరు తమ పాపని ఎత్తుకొని ఉన్న ఈ ఫోటోను చూసిన నెటిజనులు పెద్ద ఎత్తున వీరికి శుభాకాంక్షలను తెలియజేశారు. వీరికి శుభాకాంక్షలు తెలియజేసిన వారందరికీ కూడా ఈ జంట ప్రత్యేక కృతజ్ఞతలు తెలియజేశారు. ప్రస్తుతం ఈ ఫోటో చూసిన కోహ్లీ, అనుష్క అభిమానులు తెగ సంబరపడిపోతున్నారు. ప్రస్తుతం ఈ ఫోటో సోషల్ మీడియాలో చక్కర్లు కొడుతోంది.