NTR: నందమూరి వారసత్వాన్ని అందిపుచ్చుకుని లేత మీసాల వయసులో ఇండస్ట్రీలో అడుగు పెట్టిన ఎన్టీఆర్ అతి తక్కువ టైమ్ లోనే ఇండస్ట్రీ బాక్స్ఆఫీస్ రికార్డులు తిరగరాశాడు. “స్టూడెంట్ నెంబర్ వన్” సినిమాతో విజయం సాధించి “సింహాద్రి” సినిమా తో ఇండస్ట్రీ హిట్ అందుకున్న ఎన్టీఆర్ అతి తక్కువ టైమ్ లోనే టాప్ హీరోగా ఇండస్ట్రీలో ఓ వెలుగు వెలుగుతూ నందమూరి అభిమానులలో తిరుగు లేని క్రేజ్ సాధించాడు. ఎన్టీఆర్ వ్యక్తిత్వ పరంగా చూసుకుంటే ప్రతి ఒక్కరితో స్నేహంగా ఉంటారు.
ఇండస్ట్రీలో రాజమౌళితో పాటు చాలామంది టాప్ హీరోలతో చాలా సన్నిహితంగా ఉండే ఎన్టీఆర్ కొన్ని విషయాలలో చాలా సెంటిమెంట్ గా వ్యవహరిస్తారని చాలా మంది ఆయన సన్నిహితులు చెబుతుంటారు. ముఖ్యంగా కారు నంబర్ విషయంలో ఎప్పుడూ కూడా 9999 ఉండేలా చూసుకుంటారు అని అంటుంటారు.
ఈ నేపథ్యంలో తాజాగా ఈ కారు నెంబర్ రహస్యం గురించి ఎన్టీఆర్.. వివరణ ఇచ్చినట్లు మీడియాలో వార్తలు వచ్చాయి. మేటర్ లోకి వెళితే 9999 అనే నంబర్ తన తాతగారు నందమూరి తారక రామారావు ఆ తర్వాత తన తండ్రి హరికృష్ణ వాడే వాహనాలకు ఉండేదని, ఇప్పుడు అదే రీతిలో వాళ్ళిద్దర్నీ ప్రేమించేమనసు ఉండటంతో తనకి ఆ నెంబర్ అంటే ఇష్టమని ఎన్టీఆర్ తెలియజేశారట. ప్రత్యేకంగా జీవితంలో 9 నెంబర్ అంటే ఇష్టమని ఎన్టీఆర్ ఆ నంబరు పై ఉన్న ప్రేమను ఇటీవల బయటపెట్టాడట. అంతమాత్రమే కాకుండా కొత్త వాహనం కొనాల్సిన సమయంలో .. వాహనం కంటే ఈ నెంబర్ ముందుగానే ఎన్టీఆర్ బుక్ చేస్తాడని సన్నిహితులు అంటున్నారు.