Corona: కరోనా క‌ల‌క‌లంలో తాజాగా డెల్టా వేరియంట్ కలకలం కొన‌సాగుతోంది. ప్ర‌పంచవ్యాప్తంగా డెల్టా వేరియంట్ ద‌డ పుట్టిస్తోంది.
డెల్టా వేరియంట్ సోకిన వారిలో ఇత‌ర కేసుల‌తో పోలిస్తే వైర‌ల్ లోడ్ అధికంగా ఉన్న‌ట్లు తేలింది. అయితే, ఈ మ‌హ‌మ్మారి విష‌యంలో ఓ సంచ‌ల‌న వార్త వెలుగులోకి వ‌చ్చింది. డెల్టా వైర‌స్ వేరియంట్.. చికెన్ పాక్స్ క‌న్నా ప్ర‌మాద‌క‌ర‌మ‌ట. అమెరికాకు చెందిన అంటువ్యాధుల సంస్థ (CDC, సెంట‌ర్స్ ఫ‌ర్ డిసీజ్ కంట్రోల్ అండ్ ప్రివెన్ష‌న్‌) తాజాగా ఈ సంచ‌ల‌న విష‌యాన్ని చెప్పింది.
Read More : Corona: కరోనా థ‌ర్డ్ వేవ్ పై సంచ‌ల‌న వార్నింగ్‌.. ముప్పు త‌ప్ప‌దా?
ఒక్క‌రోజే భారీగా కేసులు…
కరోనా వైర‌స్‌కు చెందిన డెల్టా వేరియంట్ చాలా ప్ర‌మాద‌క‌ర‌రీతిలో విస్త‌రిస్తోంద‌ని సీడీసీ డైర‌క్ట‌ర్ డాక్ట‌ర్ రొచెల్లి వాలెన్స్కీవివ‌రించారు. వ్యాక్సిన్ల ర‌క్ష‌ణ వ‌ల‌యాన్ని కూడా అది చేధించ‌గ‌ల‌ద‌ని, దాని ద్వారా మ‌రింత విధ్వంస‌క‌ర‌మైన వ్యాధి సోకే ప్ర‌మాదం ఉన్న‌ట్లు వెల్ల‌డించారు. అమెరికాలో గురువారం ఒక్క‌రోజే కొత్త‌గా 71వేల పాజిటివ్ కేసులు బ‌య‌ట‌ప‌డ్డాయి. డెల్టా వేరియంట్ కేసుల‌కు సంబంధించిన కొత్త డేటా ఇప్పుడిప్పుడే వ‌స్తోంద‌ని, కానీ ఆ డేటాలో ఉన్న అంశాలు క‌ల‌వ‌ర‌పెడుతున్నాయ‌ని సీడీసీ డైరెక్ట‌ర్ పేర్కొన్నారు. వ్యాక్సిన్ తీసుకున్న వారికి డెల్టా వేరియంట్ సోకితే, అలాంటివారి ముక్కు, గొంతులో ఎంత వైర‌స్ ఉంటుందో.. వ్యాక్సిన్ తీసుకోనివారిలో కూడా అంతే వైర‌ల్ లోడ్ ఉంటుంద‌ని డాక్ట‌ర్ రొచెల్లి తెలిపారు.
Read More : Corona: షాక్ః మళ్లీ పెరుగుతున్న కరోనా కేసులు… మ‌న సంగ‌తి ఏందంటే…
ప‌ది రెట్లు ఎక్కువ….
ఆల్ఫా వేరియంట్ సోకిన వారు గాలిలోకి వ‌దిలే వైర‌స్ లోడ్ క‌న్నా.. డెల్టా వేరియంట్‌తో గాలిలోకి విడుద‌ల‌య్యే వైర‌ల్ లోడ్ ప‌ది రేట్లు ఎక్కువ‌గా ఉన్న‌ట్లు సీడీసీ డైర‌క్ట‌ర్ డాక్ట‌ర్ రొచెల్లి వాలెన్స్కీ తెలిపారు. మెర్స్‌, సార్స్‌, ఎబోలా, కామ‌న్ కోల్డ్‌, సీజ‌న‌ల్ ఫ్లూ, స్మాల్ పాక్స్ వైర‌స్‌ల క‌న్నా డెల్టా వేరియంట్ వేగంగా విస్త‌రిస్తుంద‌ని ఆమె వెల్ల‌డించారు. అయితే డెల్టా వేరియంట్ అత్యంత ప్ర‌మాద‌క‌ర‌మైన చికెన్‌పాక్స్ వ్యాధి క‌న్నా ఎక్కువ స్థాయిలో వ్యాప్తి చెందే అవ‌కాశాలు ఉన్న‌ట్లు తెలిపారు. కొత్త డేటా ప్ర‌కారం వ్యాక్సిన్ తీసుకున్న‌వారి వ‌ల్ల వైర‌స్ వ్యాప్తి అవుతున్న‌ట్లు తేలింది. ఈ డేటా ఆధారంగానే మాస్క్ పెట్టుకోవాల‌ని మళ్లీ ఆదేశాలు జారీ చేసిన‌ట్లు సీడీసీ డైరెక్ట‌ర్ పేర్కొన్నారు.