Afternoon Sleep: రాత్రి పూట ఎంతసేపు నిద్ర పోయినా మధ్యాహ్నం కాసేపు కునుకు వేసేవారు చాలామంది.. అయితే మధ్యాహ్నం నిద్ర ఆరోగ్యానికి లాభమా..!! నష్టమా..!? అసలు అధ్యయనాలు ఏం చెబుతున్నాయి..!? ఆరోగ్య నిపుణులు ఏం అంటున్నారో ఇప్పుడు తెలుసుకుందాం..!!
చాలామంది రాత్రిపూట నిద్ర పట్టక ఇబ్బందులు పడుతూ ఉంటారు. అటువంటి వారు పగటిపూట నిద్ర పోతూ ఉంటారు. మరికొంతమంది రాత్రిపూట నిద్రించడం తో పాటు మధ్యాహ్నం భోజనం చేశాక నిద్ర పోతారు. అయితే పగటిపూటనిద్ర ఆరోగ్యానికి ఏమాత్రం మంచిది కాదని ఆరోగ్య నిపుణులు అంటున్నారు. దీర్ఘకాలంగా పగటి నిద్ర కొనసాగితే ఆరోగ్య సమస్యలు తలెత్తుతాయని స్పష్టం చేశారు.. మధ్యాహ్నం నిద్రపోయే అలవాటు ఉన్నవారిలో అధిక బరువు పెరగడంతోపాటు, గుండె జబ్బులు, షుగర్ వంటి వ్యాధులు బారిన పడే అవకాశాలు ఎక్కువగా ఉన్నాయి. అయితే రాత్రి సరిగ్గా నిద్ర పట్టలేదని మధ్యాహ్నం నిద్ర పోయే వారు రాత్రి నిద్రకు ఎటువంటి ఆటంకాలు లేకుండా చూసుకోవడం మంచిదని సూచిస్తున్నారు..
ఒకవేళ మధ్యాహ్నం నిద్రపో వలసి వస్తే 20 నుంచి 30 నిమిషాలు మాత్రమే నిద్రించడం మంచిది. మధ్యాహ్నం పూట 30 నిమిషాల వరకు నిద్రపోతే కొన్ని ఆరోగ్య ప్రయోజనాలు కలుగుతాయి. అలాగని మధ్యాహ్నం పడుకుని అదే పనిగా గంటల పది గంటల తరబడి నిద్రించడం వల్ల కోరి సమస్యలను కొని తెచ్చుకోవాల్సి వస్తుంది. 30 నిమిషాలకు మించకుండా ఒక కునుకు తీయడం వల్ల మెదడు చురుకుగా పని చేస్తుందని ఆరోగ్య నిపుణులు పేర్కొన్నారు.