Asafoetida: సుగంధ ద్రవ్యాలలో ఇంగువ స్థానం ప్రత్యేకం.. పోపులో చిటికెడు ఇంగువ వేసి ఏ కూర వండినా దాని రుచి అమోఘం..!! దీని రుచి కాస్త చేదుగా ఉంటుంది అయినప్పటికీ ఇది మన ఆరోగ్యానికి చేసే మేలు అంతా ఇంతా కాదు..!! ఇంగువ చేసే మేలు గురించి తెలిస్తే ప్రతి ఒక్కరూ కచ్చితంగా దీనిని ఉపయోగిస్తారు.. ఇంగువ వలన తీసుకుంటే ఎటువంటి అనారోగ్య సమస్యలను తరిమి కొడుతుందో తెలుసుకుందాం..!!
Asafoetida: చిటికెడు ఇంగువ తో బోలెడు మేలు..!!
ఇంగువ లో యాంటీ ఇన్ఫ్లమేటరీ గుణాలు ఉన్నాయి.. ఇది రోగ నిరోధక శక్తిని పెంచుతుంది. శరీరంలోకి క్రిములు బ్యాక్టీరియా ప్రవేశించకుండా చేస్తుంది. సీజనల్ వ్యాధుల బారిన పడకుండా శరీరాన్ని రక్షిస్తుంది. ఇది శరీరానికి చలువ చేస్తుంది. ఒంట్లో వేడి పెరగకుండా చేస్తుంది. ఒంట్లో వేడి ఎక్కువగా పెరిగితే శరీరంలోని కణాలు చనిపోతాయి. అందువలన మరీ ఎక్కువగా వేడి చేయకుండా కూడా చూసుకుంటూ ఉంది. ఇది దేహంలో హిట్ లెవెల్స్ ను బ్యాలెన్స్ చేయడానికి అద్భుతంగా సహాయపడుతుంది..
ఇంగువ వేసిన కూరలను తింటూ ఉంటే శ్వాసకోస సమస్యలు దరిచేరవు. దగ్గు, జలుబు, ఆస్త్మమా వంటి సమస్యలతో బాధపడుతుంటే ఎక్కువగా తీసుకుంటూ ఉండాలి. తేనె, అల్లం, ఇంగువ కలిపి తీసుకుంటే దీర్ఘకాలికంగా ఉన్న పొడి దగ్గు, కోరింత దగ్గు, ఉబ్బసం వంటి శ్వాస సంబంధిత సమస్యల నుంచి ఉపశమనం కలిగిస్తుంది..
ఇందులో ఉండే యాంటీ ఆక్సిడెంట్స్ డయాబెటిస్ తగ్గించడానికి సహాయపడుతుంది. కాకరకాయ కూరలో ఇంగువ కలిపి వండుకుని తింటే రక్తంలో చక్కెర స్థాయిలను నియంత్రణలో ఉంటుంది ఉంచుతుంది. ఇది ఇన్సులిన్ ఉత్పత్తికి సహాయపడుతుంది. మధుమేహం ఉన్న వారు ఇంగువ ఎక్కువగా తీసుకుంటూ ఉండాలి. ఇది అధిక రక్తపోటును తగ్గిస్తుంది. ఇంగువలో కొమరిన్ ఉంటుంది. ఇది రక్తాన్ని పలుచగా చేస్తుంది
రక్తం గడ్డ కట్టకుండా చేస్తుంది.
ఇంగువ ఉపయోగించిన కూరలు తినడం వల్ల అన్ని రకాల చర్మ సమస్యలను తొలగిస్తుంది. ఇంగువను కొబ్బరి నూనెలో కలిపి రాసుకుంటే దురద, అలర్జీ నుంచి వెంటనే ఉపశమనం కలుగుతుంది. కడుపు నొప్పి, జీర్ణ సంబంధిత సమస్యలతో బాధపడుతుంటే ఒక గ్లాసు నీటి లో చిటికెడు ఇంగువ కలిపి తీసుకుంటే అన్ని రకాల జీర్ణ సమస్యలు తగ్గుతాయి. కడుపులో నులిపురుగులు, గ్యాస్, అజీర్తి తగ్గుతుంది. అన్ని రకాల ఉదర సంబంధిత సమస్యలకు ఇంగువ అద్భుతంగా పనిచేస్తుంది. చూశారుగా చిటికెడు ఇంగువ మన ఆరోగ్యానికి ఎంత మేలు చేస్తుందో తెలుసుకున్నారు కదా.. ఇక నుంచి మీ వంట ఇంట్లో కూడా దీనికి స్థానం కల్పించండి. దీనిని ఉపయోగించండి.